Sigue nuestro Feed RSS   CabodeCruz en Facebook   CabodeCruz en Twitter  
Xul
03

Proposta para as Festas do Carmen 2009

Boas tardes benqueridos amigos da comisión de festas, quixera facer a seguinte proposta xa comentada por algún veciño de Cabo de Cruz nestas días antes do gran evento das Festas do Carmen. O tema é que existe un pequeno «problema»: cando rematan as orquestas que teñen contratado un tempo de actuación hai moita xente que quer seguir de verbena xa que aínda nos quedan moitos folgos, e para máis de festa coma xente animada que somos. Unha posible solución ó problema sería poñer unha mesa de mezclas, ou algo polo estilo para pinchar algo de música e que a xente siga ata caer de cu.

Esta é unha alternativa, pero de seguro que existen outras moitas máis, vós qué pensades? Se tendes algunha que outra idea podédela comentar aquí sen problema. Sodes máis de mesa de mezclas ou de verbena ranchera? Cada un que marque o seu estilo, e se cadra facemos unha votación para ver algo por onde poden tirar estas sempre propostas claro, pois a derradeira palabra tena a comisión de festas.

Penso que é unha boa idea porque a parte de que a xente se quede máis tempo, e se pase ben, pois sempre podedes sacar algo máis de cartos coas barras e con outras mil cousas que podedes argallar. Simplemente, esta é unha proposta que se fai dende aquí para que a xente poida opinar e tamén ofrecer algunha alternativa económica que falta fai para estes tempos.

Agradecer tamén a toda esta xente que durante todo o ano se move por nós para que teñamos as mellores festas, e que todos o pasemos moi ben nestas datas que todos acordamos dende pequenos. Asi que xa sabedes, a opinar, que o tempo esgótase!!!

Artigos relacionados :

• Noticias relacionadas en: Festas, Festas do Carmen, Novas

Recibe tódalas novas no teu correo:


  • odafonte

    esa seria unha forma de rematar a festa ao grande.xa sabes juansisco q a musica electronica e o q me vai e seria incrible estar ali as 5 ou 6 da maña disfrutando dunha sesion house ou trance.se alguen o pode levar a cabo eu estaria encantado e q se realizase e como nn ata d colaborar a organizala.un saudo

  • Xoan

    Claro, e que iso sería xa a ostia de facer esas cousas, a parte de que os da comisión poderían sacarse unha pasta gansa extra, xa que a xente máis xoven que é bebedoriña daríalle uns beneficios notables. De tódolos xeitos o feito está ben, pero a eso das 3 ou 4 da mañán cando as orquestas pechan, a xente que está de vacacións e sobretodo a jhunventú estaría agradecida de ter esta sorpresafestabotellón para rematar as nosas festas…

  • mila

    Como xa comentei na paxina de cabodecruz.org, agradezovos as ganas que poñedes de pasalo ben porque danos folgos para seguir cada ano. Está claro que o mito de que os xovenes non van á festa, en cabo de cruz non se cumple, cada ano hai mais xente xoven disfrutando das orquestas e eso e todo un orgullo para nos. Agradezovos tamen as propostas que dende estas paxinas facedes. Neste caso xa valoramos esa posibilidade, pero a comisión non da feito para tanto. Acabando a festa sobre as cinco da mañan a comisión non vamos para a casa antes das 6:30-7:00 porque temos que recoller todo, e antes das 9 estamos de volta para ir cos gaiteiros e ca banda, xa que ó ter misa temos que acabar as alboradas cedo. Co pouco que descansamos os días antes e eses días da festa acabamos feitos polvo e non damos para moito mais, quizás dende fora se ve de forma diferente pero da bastante traballo.
    Non me gustaría que pensasedes que non valoramos estas propostas porque pasamos de todo ou porque non queremos complicarnos mais a vida, pero de verdade, é porque desbordamos de traballo eses días. Cada ano gustanos superarnos, pero hai veces que se nos fai costa arriba. Pero somos unha comisión emprendedora e con ganas de que a xente do noso pobo e dos arredores disfrute das nosas festas, seguro que acabaremos por organizarnos mellor e levar a cabo todas estas propostas.
    Gustaríame facer un chamamento dende aquí á xente que queira opinar do que vos pareceu a festa. Anímovos a facernos «críticas constructivas». Eu contestareivos e razonareivos o por qué fixemos unha cousa dun xeito ou de outro, pero dende a comisión pedimos comprensión porque é inevitable cometer algún que outro erro.
    Espero que o pasedes ben estas festas!!

  • Xoan

    Qué gusto dá que a nosa mellor comisión de festas nos escoite. E que sexas ti, Mila, a que tamén se implique nestas propostas enorgullécenos, xa que vese que estades á nosa carón para o que faga falta, e que sodes veciños da nosa vila que andades antra xente. É totalmente comprensible que teñades bastante traballo nestas datas, pero tan só con esto que estades facendo xa é moito para que unhas das mellores festas dos arredores (digan o que digan) sigan coa súa boa racha traendo sempre ás mellores orquestas, e dende a miña opinión persoal, este ano, bastante mellores cás que viñeron a Boiro.
    O que tén a festa do Carme é que despois da verbena nocturna que remata sobre as seis, sete ou máis tarde da madrugada, non hai moita ansia para ir despois ós eventos da mañá, entón como agora eu débome un pouco a esta web para mostrar ós veciños e ós que son de fóra, cómo se coce o pan aquí, vaime costar sacar unhas fotos que de seguro colgaremos despois das festas para ter un bo recordo delas.
    Despois, de seguro han de aparecer os comentarios, as críticas sempre constructivas, e toda a opinión da nosa xente para que melloredes o que poidades, e o que non, pois entre todos facer un esforzo por axudarvos.
    Hai un dito que pode servir para este caso que me dis que cometedes erros: «Se tes pai ou nai, has cometer erros». Entón, todo o mundo na súa vida comete erros, somos humáns e aínda así as máquinas fallan coma descosidas (dígocho por experiencia), entón o que vós fagades para o noso pobo será de agradecer por sempre. Iso sí, tesnos que facer unha promesa aquí e agora para todos os crucenses que levamos tempo indo á festa: ¡¡Mila, por favor, nun parón da orquesta, tes que cantar para nós!! As nosas festas sen a túa canción (sempre interpretada con moito talento e ilusión), é unha característica da nosa vila que noutros lugares non poden presumir.
    Dende aquí, ánimo a todos por facer o que estades a facer, e xa sabedes que en canto a todo no que vos poidamos axudar, aquí estaremos. Non estades sós.
    Un saúdo!!

  • odafonte

    @mila
    entendo todo o q qeres dicir. sei q traballades moito para organizar as festas cada ano e eso é algo q vos ai q agracedecer moito, pero penso q seria un gran complemento ás festas rematar desta forma a noite. xa sabemos q para este ano e practicamente imposible organizar algo formal en este sentido pero seria bo q o tiverades en conta para o ano proximo. saudos