Prevista unha mobilización para eliminar os pasos elevados no vial de Boiro ó Cabo da Cruz
Frente á postura inflexible do concello de Boiro sobre a colocación dos pasos elevados no vial que une Boiro co Cabo da Cruz, as diferentes entidades entre outros moitos veciños, planean unha mobilización para facerlle ver ó concello a súa postura totalmente contraria á colocación dalgúns dos pasos elevados que se están construíndo e dos que aínda quedan por construir.
O conselleiro de urbanismo Xoán León sinalou que a proposta que recibiu por parte dos empresarios foi que se paralizasen as obras dos pasos en execución e que se paralizase o proxecto xa. O edil, pese ás posturas opostas dos empresarios, da Unión e dos centos de firmas recolleitas polos veciños do Cabo da Cruz, vai a seguir coa súa proposta de finalizar a obra construíndo outros tres badéns máis. Estes novos pasos estarán en Xión, Cariño e no Quilómetro (recta de Fontenla) coincidindo así coas marquesinas das paradas do autobús.
León explicou tamén a súa postura frente ás distintas posturas sobre este tema e afirmou que o tema desta obra é garantir a seguridade e a accesibilidade da vía, e por iso mesmo se vai a continuar coa obra ata o final.
O presidente da ABE (Asociación Boirense de Empresarios), Carlos Rodríguez Muñiz, afirmou que tódolos colectivos contrarios á execución destas obras manterán unha reunión para decidir os medios a seguir trala postura do concello. Tamén afirma que unha vez esgotadas tódalas vías de diálogo, o seguinte paso a dar son as mobilizacións.
Os empresarios tamén afirman que existen outros métodos para garantir asi mesmo a seguridade da vía e tamén os accesos que sexan menos perxudiciais para tódolos colectivos e veciños.
Estes pasos son unha verdadeira tortura para os que usamos cadeiras de rodas, isto non serve de nada no que se refire á accesibilidade, o que tiñan que por é rampas nas aceras e adecuar as aceras, con unha rampa ao principio dunha acera e outra ao final da dita acera xa era bo, pero que non se escuden dicindo que esto serve para a accesibilidade, por que non é así.
Eu, falando a título persoal, penso que é algo moi triste que se digan este tipo de escusas para poñer uns badéns totalmente inútiles. Cada vez que un crucense vai a ribeira e vén de volta, ten que atravesar uns 34 badéns (entre grandes e pequenos), e o chiste é que están todos no concello de Boiro, pero isto a quen os pon non lle supón nada, como os tolos somos os do Cabo da Cruz que cada día temos un accidente nesa carretera, pois claro, terán que poñer badéns. Calquera día atopamos unha parede de formigón para saltala co coche. E como ben di Mary Hermo, para a súa cadeira de rodas é unha tortura, e para os coches de todos igual.
Agardo que os quiten de inmediato, que o pensen dúas veces, e que fagan as cousas que fan máis falta como é asfaltar as carreteras e limpar as cunetas para que non chegue a auga como pasa na curva dos aluminios en Xión.
Máis nada, un saúdo!
Dende aquí quero que o Concello de Boiro tome isto en consideración: Cando o martes 19 fun ao Hospital de Santiago e veu recollerme a ambulancia foi unha tortura polos pasos xa feitos e unha longa espera polos semáforos dos que están en construcción, cheguei ao Hospital con moita dor por a luxación das dúas caderas, e cando vou en coche ata Boiro ter que pasar por eses pasos para min conleva estar tirada na cama varios días pois aínda que vaía o vehículo a 10 km/h as miñas articulacións vense afectadas polo salto que da o vehículo e provocanme luxancións en diferentes articulacións e iso supón unha dor que non lle desexo a ninguén; e espero e desexo que eses pasos se retiren dunha vez pois ao único que lle dou un pouco de sentido é ao do Centro de Saúde, pero os demáis son unha verdadeira aberración. POR FAVOR RETIREN OS PASOS POIS ESTÁN AFECTANDOLLE CONSIDERABLEMENTE A MIÑA SAÚDE E NON SE EXCUSEN QUE ISO VAI MELLORAR A ACCESIBILIDADE DENDE BOIRO ATA CABO DE CRUZ POR QUE VOSTEDES SABEN QUE ISO NON É ASÍ, E QUE O QUE TEÑEN QUE FACER E ARRANXAR AS ACERAS E FACER RAMPAS DE ACCESO A ELAS PARA QUE AS PERSOAS CON MOVILIDADE REDUCIDA POIDAN IR POLA ACERA E NON POLA CARRETERA, LEMBREN QUE HAI CRUCES NOS QUE REMATAN MOITAS ACERAS E O PASO ELEVADO TAN SÓ PERMITE SUBILO E CRUZAR POR ÉL POIS SE SUBES A ACERA COA CADEIRA CANDO CHEGAS AO REMATE DE DITA ACERA NON HAI RAMPA PARA BAIXAR O QUE SUPÓN DAR MARCHA ATRÁS PARA VOLVER AO PASO ELEVADO E CRUZALO PARA CONTINUAR POLA CARRETERA. ¡RETIREN ESES PASOS!
Gostaríame ser informada para cando está prevista esa movilización, se alguén se entera que me envie un mail por favor.