Sigue nuestro Feed RSS   CabodeCruz en Facebook   CabodeCruz en Twitter  
Dec
14

Máis de 600 veciños en contra dos pasos elevados na estrada do Cabo da Cruz – Boiro

O outro día era habitual ver nos establecementos do Cabo da Cruz unhas follas cun texto en contra da colocación dos pasos elevados que se están a poñer na estrada que une a nosa vila do Cabo da Cruz co núcleo boirense. Eran tamén moitos os veciños que se achegaban a firmar en contra do que o concello de Boiro coa axuda da Diputación está a facer en dito vial. A Plataforma da Defensa dos Intereses do Cabo da Cruz acadou as 600 firmas dos dous mil e pico habitantes que temos no Cabo. Agárdase que a cifra supere en breve ó milleiro de persoas en contra desta nova obra.

Fran

Foto de Dani Gestoso para a Voz de Galicia

Os puntos que sinala a Plataforma para esta rexeita da obra son:

1. Os traslados en ambulancia de feridos nos que van a ir coma nas barquillitas das Festas do Carmen, entre outros vehículos coma poden ser os bombeiros ou a Garda Civil.

2. O marisco do que moita xente vive corre o risco de romper nestes pasos elevados cos saltos que pegue o transporte do producto.

3. O pobo deberá facer un esforzo adicional para saír da nosa vila e dirixirnos mesmo ós puntos de traballo.

Outro reflexo importante destas queixas é o novo porto deportivo que traerá a moitísima xente que queira ter as súas embarcacións amarradas ó muelle do Cabo da Cruz, pero que con estes pasos veranse obrigados a pasar con moitísima precaución, ou ben a irse a outro muelle onde teñan uns accesos menos obstaculizados.

Sen embargo a negativa da Plataforma non é total, pois acceden a que se poñan en puntos como pode ser o novo centro social, o pabillón de barraña e no ambulatorio, lugares onde o tránsito de xente é considerable e ahí si que poden facer falta este tipo de medidas.

Os veciños voltan a expresar o mesmo que anteriormente. Con esta medida perxudícase a toda unha vila, mentas que con outras medidas alternativas actúase onde se debe, máis ca cazando ós infractores de dito vial polos que agora se monta esta nova situación na nosa vila. Hai medidas coma a posta de radares ou incrementar a vixilancia policial que serían máis axeitadas ó problema que acontece.

Polo de agora, as obra seguen o seu curso e non se ven afectadas de ningún xeito, polo que agardamos que tanto o concello de Boiro coma os veciños do Cabo da Cruz cheguen a un punto en común para acometer este proxecto.

Artigos relacionados :

• Noticias relacionadas en: Notas de prensa, Novas, Obras e Proxectos

Recibe tódalas novas no teu correo:


  • Xoan

    Quero falar como veciño do Cabo da Cruz e non como administrador da web. A verdade é que non son de moitas polémicas, pero este tema paréceme que é de vital importancia para todos. Permítanme señores do concello que lles diga que a posta de tres pasos elevados en menos de dous centos metros e case ó longo dunha curva (pabillón de barraña – casas baratas) paréceme unha auténtica tontería e gasto de cartos inútil. Vostedes verán o que se corre ahí, vostedes verán para qué sirven tres pasos pegados onde nas rectas principais que levan a Cabo non hai ningún. Despois digan que é para frenar ós coches… En fin. Logo quérenme dicir vostedes que non saben quenes son os que corren???? A caso non hai gardas civiles e policías da Local no Cabo que non están fartos de saber quen é o que incumpre as normas?? Non teñen máis ca sentarse un día en dito vial e ver de quen é a culpa pola que os demáis temos que pagar todo isto. E cando me estea a arder a casa, e os bombeiros teñan que parar cada pouco pola súa obra inútil, pois estareille agradecido do que están a facer.
    Outra cousa para a Plataforma: esta obra xa fai tempo que está proxectada para facer, qué pretenden recollendo agora as firmas?? Pensan que van agora a parar a obra? As cousas hai que facelas antes con tempo e non agora que xa está o mal case feito e os cartos gastados.
    De verdade que me parece bastante esperpéntico todo isto e moi, pero que moi carente de sentido. Eu tamén estou dacordo en que en sitios coma o ambulatorio, o novo centro social e en cousas así se poñan ainda que sexa muros de dous metros de alto, pero non cousas coma as que podemos ver a día de hoxe con tres pasos xuntos e nunha curva.
    Díganme vostedes se a carretera de Cabo a Boiro, indo a 50 non se vai ben, e aínda que fora a 70 tampouco estaría mal, pois hai tramos da Ribeiriña no concello da Pobra con todo curvas que están a 60, e mais ningún protesta. Pero o das velocidades como non sei quen o fai, penso que son os de tráfico, pois calo, pero hai cousas que non pegan nin con cola, e dá a sensación de que se fan na casa, cunha birra na man, comendo unha pizza, vendo a tele e co portátil nas pernas… Hai que ser un pouco serios á hora de gastar os cartos e de establecer medidas das que o pobo non está dacordo, polo menos os que temos coche e teñamos que ir amañar a dirección porque entre ir e vir de Boiro collemos nada máis ca 24 saltos.
    Un saúdo!

  • Mary Hermo

    De verdade que non entendo nada, non entendo que esto sirva para algo pois o que quere correr irá correndo igual. Isto xa se fixo en Riveira é ao final tiveron que retiralos e vai o noso concello e repite o erro que outros xa cometeron antes. Teño claro que cada vez que tiña que ir a Boiro e por culpa dos pasos estes teña unha luxación en algunha articulación de seguro que lle vou pasar os gastos ao concello.