Sigue nuestro Feed RSS   CabodeCruz en Facebook   CabodeCruz en Twitter  
Xul
11

Centro Social a punto de caramelo

Como xa teredes visto ó pasar polas Mangas, o centro social de Cabo de Cruz xa é unha realidade para a nosa vila. Contamos coa infraestructura a piques de rematar, entrando xa nas súas derradeiras fases de construcción para a súa posta en funcionamento.

Centro social

 

A cousa pinta ben, e tamén se preve que se cumpran os prazos de obra fixados ó inicio do proxecto. É de agradecer ó noso concello esta nova infraestructura que nos vai a dar cousas como que os estudantes teñan unha biblioteca, que os nosos vellos teñan un lugar onde votar unhas pezas coas donas, que haxa aulas de impartimento de cursos e demáis preparacións, etc.

É dicir, todo un éxito na nosa vila, xa que en comparación con outras vilas da comarca imos un tanto adiantados. Mirade no concello de Ribeira ou na Pobra do Caramiñal cantas parroquias teñen centro social, cantos concellos teñen centros de día e cousas así. Certo é que en infraestructura social estamos ben posicionados. Agardo que os nosos dirixentes de Boiro sigan nesta liña.

Centro social

 

Agora tócavos a vós a opinar sobre o tema das infraestructuras e cartos invertidos polo noso goberno na nosa vila. Temos centro social, muelle novo, unhas festas de rachar, e todo isto para nós soiños… Qué agora a que se che fai a boca auga cando oes que podes ser, vir e vivir en Cabo de Cruz? Visítanos!

Artigos relacionados :

• Noticias relacionadas en: Novas, Obras e Proxectos

Recibe tódalas novas no teu correo:


  • Mary Hermo

    Si un centro social que está de marabilla para aqueles que non teñen problemas de movilidade, resulta que ten unha gran entrada con escaleiras (de momento as cadeiras de rodas non suben escaleiras) e resulta que din que ten dúas entradas laterais ao comezo das escaleiras pero parece indignante que eu e outras persoas que están na miña situación teñen que entrar por outro acceso, que estamos en que século, semella que eu non teño o mesmo dereito, iso, por desgraza é o que me fai sentir; e moito máis ainda cando dende o Concello me contestan que cumpren coa normativa de accesibilidade e que as entradas son dignas, pero meu Deus, se temos que entrar por outro lado e non como os demais. Non sigo por que estas cousas indignanme moito despois de escoitar que tan marabilloso é, pero para min o marabilloso sería poder entrar a dito lugar xunto cos meus compañeiros pola porta principal.

  • Xoan

    Tés toda a razón Mary, hai que pensar sempre en xente con discapacidade e cadeiras de rodas, xa que non hai razón pola que a xente coma ti non poida acceder a dito cento social. De momento, a obra aínda non está rematada, pero en canto o estea, se non podes acceder coma calquera outra persoa, xa poñeremos algo en marcha para que a xente coma ti poida acceder a este edificio sen ningún tipo de traba. Debemos todos ter en conta estes aspectos, xa que como ben di Mary Hermo, isto en pleno século XXI non se pode permitir.
    Se o centro social, tan e como está, permite o acceso a minusválidos, xa sería algo grandioso para que todos, absolutamente todos poidamos disfrutar de algo que vai ser novo para nós e do que (se todo se fai correctamente) nos poidamos sentir orgullosos.