Centro de formación hosteleira en Boiro

É moita a xente do Cabo da Cruz que ó concluir os seus estudos se decidiu pola rama da hostelería, da cociña, do servizo en restaurante é bar, etc. Por iso é de interese esta nova que lle pode ser de grande axuda para a nosa xente.

Futuro prato confeccionado no centro

Co respaldo do fondo do plan anticrise que se montou o Estado español, o concello de Boiro bríndanos cunha nova construcción no polígono de Espiñeira onde se vai a construir un centro de formación hosteleira de ámbito comarcal onde se impartirán cursos oficiais de cociña, atención en bares e servizo de comedor entre outras actividades. O inmoble estará dotado de aulas para a impartición de clases teóricas e tamén dunhas seis cociñas onde se poderán facer as prácticas dos cursos. Estes cursos non serán ciclos coma os dos institutos, senón que serán cursos que poida ofertar a Administración ou tamén cursos promovidos por empresarios que desexen formar ó seu persoal.

O modelo a seguir é o do centro que xa leva tempo funcionando no municipio de Carballo onde se imparten cursos de soldadura, chapa e pintura, e carpintería de aluminio.

A encargada da construcción do centro será a empresa ribeirense Serinfra e a obra terá un custo duns 993.000 € . Xa que os gastos correrán co respaldo do plan anticrise, o proxecto deberá ter o remate o trinta e un de decembro. No interior do inmoble gastaranse 400.000 € dos cales 340.000 € sairán do caixón da Deputación de A Coruña e o resto deberá ser engadido das arcas municipais do concello de Boiro.

Os cursos impartidos terán a garantía de homologación da Administración, polo que o recinto deberá de cumprir coa normativa vixente.