Os do Cabo da Cruz A, si que fixeron os deberes en terreo do Cures no campo de Pomardorrío cando se impuxeron dous tantos a un a un cures que agora fica no quinto posto da táboa. Máis de cento cincuenta persoas acudiron ó encontro para presenciar unha nova victoria dos crucenses que asentan o trono da liga unha vez máis.

A estrela goleadora do Cabo da Cruz foi sen dúbida Maicon que se encargou de botar o partido ó lombo anotando así os dous goles favorecedores da formación que dirixe Juancho. Os goles crucenses chegaron nos minutos 25 e 60 por parte do xogador crucense, e logo remataba o marcador Sebas por parte do Cures sentenciando o dous a un final.

Sebas, foi o que tamén no minuto oitenta rompeu o cóbado esquerdo cando chocou contra un defensa e o porteiro do Cabo da Cruz. Grave lesión que o vai apartar dos terreos de xogo algún tempo ó xogador do Cures.

Para que vexades quen manda na terceira autonómica do grupo 8 aquí vos deixo os resultados desta semana cos novos partidos da vindeira xornada, así como a clasificación da liga:

• Noticias relacionadas en: Fútbol Cabo da Cruz, Novas

Novo fiasco en terras crucenses para o noso equipo, despois dunha derrota por tres a cero ante o conxunto santiagués. O encontro estivo marcado pola polémica do equipo visitante e tamén polo mal xogo do Cabo da Cruz B que unha vez máis seguen sen acertar na competición.

Mal partido do noso equipo que, ao contrario dos últimos partidos perdidos, sí mereceu perder. Á chegada do equipo visitante ao feudo crucense xa se veu a pouca gana que tiñan de xogalo partido, argumentando primeiro que o valado do campo non era legal e que se podían lesionar os xogadores espetándose nelas. Ata de chiste foi que decían que o campo estaba tan anegado que habían moitas pozas e que por tanto tiñamos que achicalas. A última foi que solo xogarían se se presentaban no campo dúas patrullas da Garda Civil, unha da Policía Local e unha ambulancia. Despois do «pitorreo» montado comezou o partido.

Do xogo do noso equipo pouco hai que decir xa que non foi precisamente o que todos desexaramos. O primeiro gol chegou sobre o minuto quince cando nun remate a »bocaxarro» dun dianteiro do Sar bateu nas mans de Adrián provocando penalti e converténdoo seguidamente.

O segundo gol chegou cinco minutos despois cando lle quedou morto un balón ao borde da área a un xogador visitante e aproveitou para bater por alto a Josito.

O terceiro gol chegou mediada a segunda metade cando nun contragolpe visitante unha falta de entendemento entre Richi e Josito, o defensa lle deixou o balón ao xogador do Sar e éste bateu a meta do Cabo a porta baleira. Como vedes mal partido do noso equipo que esperemos que consiga a terceira victoria da temporada no campo do Viduido a xornada vindeira.

Seguidamente aquí vos queda a clasificación do noso equipo, así coma os resultados da xornada e os partidos da vindeira:

Agárdase que o equipo espabile e saia xa dos últimos postos da táboa facendo un xogo que aínda que non sexa de todo bo, polo menos que permita un raio de vento no inferno desta liga que cada día se nos escapa un pouco máis. Dende aquí ánimo a tódolos xogadores para que sigan gañando e prescindindo dos galácticos de Máis Minutos.

• Noticias relacionadas en: Fútbol Cabo da Cruz, Novas

Aquí tendes a clasificación tras a xornada pasada na que o Cabo da Cruz B pinchou ante o Recesende. Agardamos que esta semana que vén ante o Sar fagamos un bo partido merecedor dunha victoria contundente. Agárdase tamén unha afluencia de público considerable para animar ó Cabo da Cruz.

• Noticias relacionadas en: Fútbol Cabo da Cruz, Novas

Nesta fin de semana, o noso equipo do Cabo da Cruz B, desprazouse ata Recesende, o equipo contra o que tocaba xogar nesta xornada. Tras quedar no Mavi ás 14:15, a nosa formación partiu cara terreo descoñecido pola maioría.

Coa nosa formación: Josito, Andoni, Adrian, Ammi, Richi, Risi, Rabiso, Balteiro, Porron, Finidi e David. Un once de gala que quen llo dera a Pellegrini ou mesmo a Pep para os seus partidos, o noso Fachuco tentou a victoria en terreo alleo.

O partido comezou un tanto escuro para os nosos xogadores, pois as lesións recaeron sobre dous titulares ó pouco de comezar o encontro. Richi e Andoni tiveron que abandonar o partido por mor das doenzas que lles impediron seguir loitando. Tras un principio sobervio do equipo local, nun contragolpe do Cabo da Cruz, o Mago Finidi sacou do sombreiro un disparo que conectou coa escadra do Recesende sen que o seu gardamallas puidese facer nada, pois os metros que estaba adiantado foron a clave para esta delicatessen do Finidi.

A partires daquí o encontro tomou un novo rumbo no que os nosos artilleiros tomaron a defensiva tratando de aguantar o resultado favorecedor pese ás dúas baixas importantes que foron suplidos por un banquiño de luxo. Pero o equipo local nunha xogada sen aparente perigo consegue por en xaque á nosa formación cando nunha contra se poñen ó par no marcador 1 – 1 no que se chega así ó descanso.

Á volta, xa na segunda metade do encontro, as tácticas eran as mesmas e os xogadores tamén, cun Cabo da Cruz tratando de adiantarse no luminoso, ou ben de aguantar o partido para así como mínimo tratar de raspar un punto alentador.

Á falta de tan só 15 min. para o final, o Recesende executa un magnífico contragolpe no que colle desfavorecido á nosa liña defensiva, e cun testarazo conseguen poñerse por diante establecendo unha victoria para os locais. Pese a isto, a capacidade de loita dos nosos estaba mostrada, pero o cansancio e a falta de resposta das perniñas facíanse notar nun encontro marcado pola psicoloxía do gol nos últimos minutos.

Tal foi a cousa que o equipo contrario, iso si, cunha axuda do colexiado tras un clarísimo fóra de xogo consegue xa botar pola borda as esperanzas crucenses impoñéndose co definitivo 3 – 1 que unha vez máis nos botou para a casa cunha derrota un tanto inmerecida.

Os trocos do partido foron Michael, Nardo e o Chaparrito que introduciron un bo refresco de físico no partido que aínda así non foi o suficiente para tratar de empatara ou mesmo gañar.

Os nosos homes, xa cansos desta dinámica prometen en terreo feudal dar moita guerra no próximo partido, xa que cun xogo axeitado e cunha afección notable podemos levarnos o partido contra as formacións máis esixentes. Agardamos que os allos nos volten dar a efectividade que tivemos contra o Pazos, e tamén que fagan que os nosos homes non se lesionen como pasou neste domingo. Agardamos tamén que Fachuco saque conclusións deste encontro para así poder mellorar na medida do posible.

• Noticias relacionadas en: Fútbol Cabo da Cruz, Novas