Cando todo parecía que marchaba ben nos comicios deste novo ano para o noso equipo do Cabo de Cruz B, as derrotas e empates raspados fanse notar nos resultados dos últimos partidos. Como é xa habitual, o noso comentarista deportivo de CaboDeCruz.Net, Porrón, ofrécenos a crónica do partido do pasado domingo que os levou ás terras de Valga para disputar o encontro co Furia.

Sen máis, déixovos coa crónica deste partido:

Mal partido dos nosos que apesares de non facer un bo xogo levaron unha derrota inmerecida, xa que o resultado xusto sería o empate.
Nada máis comezar o encontro un balón en longo sorprendeu a defensa do conxunto local e Cosita aprobeitou para, no borde do área, cruzar o balón ao segundo pao batendo ao gardamallas local. Pouco a pouco o Furia foise crecendo e mediada a primeira metade conseguían empatar o partido despois dunha internada por banda esquerda. O encontro chegaría así ao descanso. Na segunda metade ao pouco de se reanudar o partido un novo contragolpe, esta vez por banda dereita poñía o 2 a 1 no marcador. Uns intres despois un fallo garrafal de Ami en defensa, que perdeu o balón ante a presión do dianteiro local, propiciou o terceiro do Furia. Dez minutos máis tarde veu o outro fallo da tarde cando Richi, que estaba xa medio lesionado, non puido evitar perdelo balón de novo ante a presión do dianteiro local, o cal puido conseguir deste modo o cuarto gol para o seu equipo. A falta de dez minutos unha internada de Buda no área local provocou un penalty que se encargou Cosita de tirar e marcar.
Deste xeito podedes ver que se o equipo non cometera tales fallos en defensa podería ser un empate o que trouxese de Valga e non unha derrota.

Aliñación titular:

Gardamallas: Pechu
Liña defensiva: Chaparrito – Ami – Adrián – Richi
Medio do campo: Risi – David – Balteiro – Finidi
Ataque: Cosita – Marcos

Tamén xogaron: Buda e Andoni

E agora unha visual á clasificación, últimos resultados e próximos partidos:

Dende CaboDeCruz.Net tamén queremos comunicarvos que xa foi enviada unha notificación ó departamento de deseño para que se encarguen de ampliar e completar a páxina que ten adicada o equipo do Cabo de Cruz B aquí. A ampliación farase coas fotos dos xogadores que se sacaron no partido contra o San Antonio onde os xogadores sacaron a súa mellor faciana para lucir na súa foto correspondente. Agardamos que o departamento se poña a traballar canto antes para que vos poidades ver de contado.

NOTA  1 : Sentimos que o noso porteiro Josito saíse en cinco fotos cos ollos pechados. Tentaremos sacarlle outras cinco fotos a ver si nalgunha dá aberto os ollos. Polo demáis, ánimo Josito!

NOTA 2 : Isto vai para todos e para que vos motivedes para o próximo partido. Botádelle unha ollada ó próximo rival que nos visita: o Bugallido, que vén de meterlle 10 goles ó San Antonio, equipo co que nós empatamos na casa duramente. Así que agardo que xoguedes con tódalas vosas forzas posibles para tentar gañar o partido ante un rival forte. Ánimo xogadores!

• Noticias relacionadas en: Fútbol Cabo da Cruz, Novas

Bueno, bueno, bueno… Xa era hora de que nos desen unha alegría os Reis Magos de Oriente. E ben dada que foi cunha victoria fóra da casa que sabe a alento no medio do lume que prende na parte baixa da táboa. Sen máis comentarios aquí vos deixo coma de costume coa crónica deste partido:

Si ben finalizou o ano vello, mellor comezou o 2010. Os nosos xogadores non puideron traer mellor resultado có que apañaron no campo de Cacheiras, emprestado ó Praiña SC, colleitando un 2-3.

O partido comenzou e finalizou na súa primeira metade co resultado de 0-0 a igual que o que xa acontecera contra o Rarís, no que ningún conxunto tampouco fora capaz de abrir o marcador antes do descanso.

Pero na reanudación do encontro, as cousas non puideron ir peor xa que nun intre o Praíña endosou dous goles nos dous primeiros contragolpes da segunda metade polo cal non podía ir a cousa peor, 2-0 no minuto 50.

Pero é a partir de ahí cando o equipo se bota arriba, e saca o seu «espíritu» que noutras épocas caracterizou ó Real Madrid de Juanito ou ó Alcoyano e á súa moral. Ó pouco de recibir o segundo e despois de sacar de centro Fachuco non o dubidou e quitou o Porrón que actuaba de lateral esquerdo para meter un dianteiro e ir a por todas no partido.

A remontada comenzou cun contragolpe levado por Balteiro que ó querer centrar, ve ó porteiro adiantado e amaga o centro e tira sorprendendo ó porteiro cun moi bo gol. Tan só unha xogada despois, é cando nun centro dunha falta, é Ami o que coloca o 2-2 deixando perplexos ós rivais.

Despois do empate houbo uns minutos de trancisión nos que calquer conxunto se puido adiantar pero foron os contrincantes os que tiveron dúas claras ocasións pero que o noso porteiro Josito parou con calidade demostrando que el tamén xoga un papel importante neste equipo.

A partir de ahí é cando nunha falta case no mesmo sitio que no gol de Ami, un centro de Balteiro é moi ben cabeceado polo noso novo xogador Marcos, poñendo o que sería o 2-3. Logo disto, o partido foi un toma e daca no que tanto se podía poñer o 3-3 cos numerosos contragolpes do Praíña, como o 2-4 nun contragolpe do noso equipo que David estrelou no longueiro.

A alineación titular deste partido foi:

Gardamallas: Josito

Liña defensiva: Chaparrito-Ami-Adrián-Richi

Medio do campo: Risi-Buda-Balteiro-Porrón

Ataque: Finidi-Andoni

Tamen xogaron: Marcos, Pechu, David

Con todo isto cabe destacar que si logramos no próximo partido outra victoria, xa conseguiremos sair da zona baixa e aspirar a algo máis.

Próximo partido: Cabo de Cruz B – San Antonio, o día de Reis ás 16:00 horas en Valiño. Esperámosvos alí!

Dadas as palabras desta crónica elaborada con moita alegría, aquí vos queda coma sempre a clasificación e os próximos partidos para que lle botedes unha ollada:

• Noticias relacionadas en: Fútbol Cabo da Cruz, Novas

Ben chegadas estas datas é complicado compaxinar o balón con todo o que representan estas datas: festa, mazapáns, polvoróns, bebida, excesos, resacas, etc… Por iso a administración de CaboDeCruz.Net quer mandar un punto de sentidiño ós nosos xogadores, pois é sabido que o día 3 do novo ano hai que calzar as botas e saír da nosa vila en busca dunha victoria que nos afinque un pouco máis na táboa de clasificación.

Sería un orgullo para a xente do Cabo da Cruz ter ás dúas formacións futbolísticas ahí arriba mandando nas correspondentes ligas, porén o plantel do Cabo da Cruz B debe dar un xiro de 180º neste novo ano escalando con todo o seu esforzo este cumio que se nos puxo costa arriba nesta primeira metade da tempada.

Por estas datas, cadran mal ata os adestramentos, pois os xoves e os venres, Fachuco cedeu os días para festexar tanto a NoiteBoa, coma a NoiteVella cos seus correspondentes días posteriores de resaca. Debido a isto non quita que cada un, a título persoal lle adique nestes días un pouquiño a facer algo de deporte para non perder a forma con estas enchentas que se collen. Aínda que sexa un paseo dunha hora tódolos días fai moito para queimar as abundantes ceas.

Tamén estamos todos ó carón do lume agardando a chegada do noso compañeiro o Zimpi que desgraciadamente ten como para dous meses, segundo as súas verbas comunicadas a este medio de comunicación. Pois o que ten este xogador na perna é unha canteira de tallada que aínda se ten que recompoñer, distribuirse uniformemente e endurecerse para que a velocidade, a garra e a técnica deste xogador poidan brindar no Cabo da Cruz novas victorias e alegrías para o conxunto.

En fin, Fachuco, non descanses moito este Nadal que sabes que tes un duro traballo por diante que non se pode deixar levar así por así. A directiva e os siareiros do club confiamos en ti e no teu escadrón. Pensamos que tes as cartas que fan falla para facer algo grande neste novo ano, e deixar un dos equipos de fútbol da nosa vila do Cabo da Cruz ahí ben alto onde se nos recoñeza coma sempre. Gañando!

Dende CaboDeCruz.Net queremos darvos o ánimo e a esperanza que vos fai falla nestes tempos complicados para vós e tamén para nós. Ánimo!!

• Noticias relacionadas en: Fútbol Cabo da Cruz, Novas

Un alentador empate traído das terras do Rarís pode darnos un empurrón de cara ós postos contiguos na táboa de clasificación. Coma sempre, aquí tendes o material cedido por Porrón, un xogador, delegado de campo, etc. do plantel do Cabo de Cruz B:

Este é o camiño a seguir

Por fin traemos boas novas, o nosos equipo logrou un merecido punto que ó final incluso supo a pouco. Un partido que ó final tanto pudo ir para un conxunto ou para o outro. Ademais cabe destacar que finalmente os nosos xogadores non acusaron moito as baixas importantes como as que tiñan: Josito, Ammi,Rabiso, Porrón….
A primeira metade foi a máis aburrida das duas xa que ningún dos dous clubs conseguiu abrir a lata, pero ainda así o noso equipo tivo a máis clara nunha accion de David  «O Pulgo» que pasou a Finidi e éste nun man a man co porteiro bate contra éste. Case sen estas novas finalizou a primeira metade na que o axudante de Fachuco, Arturo, dou moitos animos ós nosos facendo hoxe de entrenador debido á baixa de Fachuco.
A segunda metade empezou movida, xa que ós dez minutos de estar esta empezada Finidi marca o gol da xornada cun exquisito tiro de falta que se cola pola escadra esquerda do porteiro. Os nosos aferraronse atras do ánimo de acadar a victoria, pero nun abrir e pechar de ollos os locales déronlle a volta ó marcador poñéndose 2-1.
O equipo botouse arriba coa arriscada estratexia de tres defensas, pero á súa vez moi fructífera, xa que nun balón colgado á área, é Adrián o que «enchufa» o balón na portería poñendo o 2-2, que ó final sería o resultado definitivo.
Cabe destacar, que con este partido deuse por finalizada a primeira volta, e o próximo partido será o 3 de xaneiro contra o Praíña F.C. e co ánimo polas nubes xa que vemos posible a melloria do noso equipo.

Aquí tendes a formación que trouxo o empate de fóra:

Gardamallas: Pechu

Liña defensiva: Chaparrito-Adrián-Cosita-Richi

Medio do campo: Namekiano-Buda-Balteiro-Risi

Ataque: Finidi-David

Tamén xogaron: Andoni e Michael

Hai que tamén agradecer a boa labor de Arturo, o míster que dirixiu ó noso equipo na ausencia de Fachuco, pois o seu esforzo serviu para que este equipo nestas datas vise a chegada o anxo Gabriel que na segunda volta de seguro vai iluminar ó noso meniño, o Cabo de Cruz B.

Como xa é frecuente, aquí tendes tamén a clasificación do noso grupo por onde pretendemos unha escalada considerable nesta segunda volta:

E os encontros da próxima xornada serán:

• Noticias relacionadas en: Fútbol Cabo da Cruz, Novas

Aquí tendes un toque pero de balón co que nos sorprendeu este mozo. É totalmente incrible o que chega a facer co esférico rondando a maxia de Ronaldinho ou de Crisitano Ronaldo. Vemos que nas rúas tamén hai calidade e de sobra para facernos perder a vista con esta calidade impregnada entre o balón e os pés do mozo. Bueno, hoxe toca unha de video e non vos fago agardar máis, aquí vos queda:

Como xa puidéchedes observar, este mozo non ten ficha por ningún equipo, e dende CaboDeCruz.Net pensamos que sería unha boa idea a fichaxe deste home para o equipo do Cabo de Cruz B e para darlle un novo rumbo ó escadrón de Fachuco. Podería ser un bo relevo do noso compañeiro lesionado o Zimpi, pero como podedes observar no video nada é comparable á maxia de Alberto.

Agardo que este video vos ilusione un pouco e vos anime a tódolos xogadores do S.D. Cabo de Cruz para que sigades entrenando con ilusión e forza e tamén nos deades algunha alegría nos partidos que moitos seguimos de preto. Sen máis, ánimo xogadores!!!

• Noticias relacionadas en: Fútbol Cabo da Cruz, Novas, Videos

A crónica deste partido chegou hoxe ás dependencias de CaboDeCruz.Net por parte dun xogador do plantel que nos ofrece unha visión deste partido. Aquí vos deixo cun bo resumo do que foi o Cabo de Cruz B – Ribasar onde os nosos quedaron ás portas da victoria unha vez máis:

O último partido xogado polos nosos xogadores, tivo un final que a máis de un lle puxo os pelos de punta. O partido comenzou cunha primeira metade cun xogo fulminante do equipo visitante que chegou en escasas ocasions á porteria defendida por Josito, pero cando o fixeron foi con moita eficacia posto que materializaron tres goles nesas tres chegadas. Na primera metade tamén nós fomos quen de marcar un gol por media de Óscar (Cosita) que marcou de penalti, logo dunha man na área do Ribasar.
Pero despois deste 1-3 o descanso e o berro correctivo do mister Fachuco, veuse un Cabo de Cruz con máis fame, pero que aínda por riba tivo que xogar a contracorrente, xa que nada máis empezar a segunda metade volveu marcar outro o equipo visitante pero isto non parecía unha pedra no camiño,senón que o noso equipo saíu con máis ansia, o malo é que ó final quedouse ás portas debido a que o tempo de xogo lle quedou pequeno.
Tralo mal comenzo da segunda metade, na saída dun corner, foi Ammi o que conseguiu poñer o 2-4 no marcador e botar arriba o equipo, que cada vez achuchaba máis. Ós dez minutos antes de rematar o partido era Pechu o que poñía o 3-4 no marcador e enloquecía á afección. A afección cos pelos de punta veu como o empate se esvaecía nun centro perfecto de Balteiro que Finidi non soubo aprobeitar xa que o seu golpeo deu no lateral da rede.
Nesta derrota con sabor amargo, veuse como o noso equipo é capaz de darlle a volta a un marcador claramente adverso e isto pode ser positivo para posteriores partidos, asi que ANIMO XOGADORES!!!!

A formación que nos defendeu neste partido estaba composta por:

• Gardamallas: Josito
• Liña defensiva: Chapa-Ammi-Adrian-Rabiso
• Medio do campo: Risi-Balteiro-Buda-David
• Ataque: Finidi-Cosita

Tamén xogaron: Nardo, Michael e Pechu.

A clasificación tédela no anterior artigo desta sección do fútbol do Cabo da Cruz. Podédela ver aquí.

• Noticias relacionadas en: Fútbol Cabo da Cruz, Novas

Vou redactar a medias este novo artigo, xa que acudin a dito partido como espectador:

Todo comezou no martes da ponte da Constitución onde ás catro da tarde se xuntaba a nosa formación do Cabo de Cruz B para enfrontarse ó Val do Ulla. O encotro semellaba normal, cun colexiado próximo ós dous clubes, polo menos cando antes do partido se comentaba o fútbol entre o delegado de campo e o fisioterapeuta auxiliar do Cabo da Cruz B, o colexiado e mais o entrenador do Val do Ulla. Todo normal.

Comeza o partido, e na primeira fracción da primeira metade, os nosos adiántase no marcador establecendo o un a cero que nos levou ó descanso despois dunha primeira parte un tanto empatada en canto a xogo e sen problemas aparentes.

Ó comezo da segunda parte parece que se trocou o partido totalmente.

Deixo a parte a lesión do noso compañeiro Alberto «O Zimpi», e dende aquí agardamos todos que voltes de contado con nós, pois a túa calidade e maxia no campo é fundamental para o desenvolvemento do xogo de Fachuco. Ánimo Zimpi!

Pois na segunda metade, o colexiado parecía que tan só vía polo ollo do río Ulla deixando pasar faltas clarísimas ó noso equipo e mesmo anulando un gol claro que deixaría o dous a cero. Pero contra o final do encontro, como se vía que os visitantes por moito que atacaban, a portería crucense estaba a salvo cunha sólida defensa e cun Josito formidable, o árbitro comezou a facer das súas. Así, de golpe expulsou a: o entrenador Fachuco, Adrián, Chaparrito e Pechu. Sen máis, tan só por preguntarlle se o que estaba facendo era normal.

Palabras textuais entre o colexiado e o Chaparrito:

Chapa – ¡Arbitro!, ¿pero por qué pitas deste xeito?

Resposta do colexiado – Porque a eles (os do Val do Ulla) fanlle máis falta os puntos ca vós que estades abaixo da táboa.

Como vedes, os ladróns non son só os de Marbella, senón que este tipo de partidos onde non se xoga ninguén nada importante hai amaños e dos bos. Agora o noso equipo terá que lidiar e prescindir desta xente que está pendente de que lles chegue a sanción.

Cousas coma estas deberían pasar a termos legais onde se lle abrise un expediente ós colexiados tan claramente comprados polos equipos de arriba, pois a solución a este tipo de partidos pasa por filmar os encontros e logo pasárllelos ó colexio de árbitros de Santiago de Compostela.

Ó final do encontro, polo malestar que deixou este home no Cabo da Cruz tiveron que intervir as forzas de seguridade para protexer ó ¿árbitro?. Agardamos que cousas coma esta non pasen nunca máis, e tamén agardamos por decisión unánime do plantel crucense que este árbitro non nos volte a pitar un encontro nunca máis, pois isto non se pode permitir xogar así sen un marco legal que nos poida amparar.

E sigo dicindo que eu non sei todo realmente como pasou por non quedar ata o final, e agardo que algún dos xogadores que tanto pedían a crónica nos manden a información para poder poñela aquí e que todos saibamos ó que nos enfrontamos cada fin de semana. Podedes contactar connosco na sección de contacto para completar esta crónica.

Finalmente déixovos coa clasificación actual xa cun partido máis que non gañamos ante o Ribasar:

• Noticias relacionadas en: Fútbol Cabo da Cruz, Novas

Desta vez o encontro non se puido rematar como é debido por unhas molestias que sufriu o colexiado que o impediron pitar na segunda metade deste encontro no que o Cabo da Cruz B convenceu xa un pouco máis co seu xogo. A alineación que mostrou o míster para este encontro non deixa dúbida de que o equipo puxo moito empeño en desenvolver un partido en principio un pouco desfavorable por xogar co líder da categoría. Os homes que saíron dende o inicio foron:

Gardamallas: Josito

Defensa formada por: Rabiso – Ami – Adrián – Richi

Medio do campo: David – Balteiro – Cosita – Finidi

Media punta: Zimpi

Último home: Andoni

No banquiño quedaron os reservas e algúns deles rebulsivos que marcan sempre a diferencia nas segundas partes. Temos a:

Pechu, Kepi, Buda, Maikel e Chaparrito

Agora aquí vos quedan as declaracións do noso colaborador deportivo Porrón que estivo en dito partido cubrindo esta nova:

Nun principio éste decantábase por ser un partido moi complicado para o noso equipo xa que nos visitaba o líder en solitario da categoría. Nada máis lonxe da realidade. O noso equipo sorprendeu a propios e extraños plantándolle cara ao líder dominando o encontro en toda a primeira metade na que o Dodro tan so creou perigo nun remate de cabeza que saíu a case un metro de distancia do pau dereito da meta de Josito. O noso equipo sorprendeu varias veces polo centro á defensa visitante e nalgún centro aislado pero David nun remate dun centro e Zimpi noutro disparo dende a frontal non tiveron a fortuna de cara para inaugurar o marcador.

Así rematou a primeira metade cun moi bo xogo dos nosos. A segunda metade non se puido xogar debido a un problema do árbitro que se queixaba dunha inchazon na zona esquerda do pescozo e que imposibilitaba respirar con normalidade. Agora solo cabe esperar a data para xogar a segunda metade e de seguro que si se xoga coa mesma intensidade pódese dar a sorpresa vencendo ao líder.

Como puidéchedes ler, agardemos que a segunda parte se xogue canto antes para que a nosa formación enlace este bo xogo cos vindeiros partidos e darnos así algo de alegrías e bos resultados que de seguro han chegar, xa que o compromiso, a ilusión e a calidade son cousas que sobran no vestiario do Cabo da Cruz B.

E como xa é frecuente este tipo de novas, que rematan sempre cunha visión da clasificación e dos resultados desta xornada:

• Noticias relacionadas en: Fútbol Cabo da Cruz, Novas

Nesta nova xornada, o Cabo da Cruz vóltanos deixar un bo sabor de boca ó imporse ó equipo ribeirense do Artes por dous tantos a un. Segue así mantendo o trono do grupo oito da Terceira Autonómica tras gañar o partido desta semana. O partido non puido ser xogado no campo de herba polo seu estado lamentable de charcas e inundacións que sufriu polas choivas constantes que caeron no feudo de Valiño.

O encontro comezou cunha boa apertura para os locais cando no minuto dous o xuvenil Andoni, e tamén xogador do Cabo da Cruz B que foi convocado por Juancho, abreu o marcador. Posteriormente foi o hábil xogador de Runs Mon, o que sentenciou o máximo expoñente no marcador local facendo así o segundo gol para o Cabo da Cruz.

Foi a desentonación do ataque do Cabo da Cruz o que non lles permitiu continuar rachando o taboleiro, pois pese a un xogo dominante na meirande parte do encontro, o resultado ficou nun máximo de dous goles, e outro gol tamén para o Artes.

Terá que darlle unha pequeno empurrón Juancho ó equipo para que mostre así a súa fortaleza doutros partidos e tamén para que as victorias sexan máis claras, pero aínda así, éste é o equipo líder nesta liga un tanto axustada polo Bealo e polo Xuño.

A clasificación e o resto dos partidos móstranse a continuación:

• Noticias relacionadas en: Fútbol Cabo da Cruz, Novas

Unha vez máis é intevitábel o tropezo do equipo B do Cabo da Cruz. Isto provoca que vaian quedando nun amargo fondo da táboa. Velaiquí tedes a crónica do partido contada por un dos xogadores:

Se malo foi o xogo do equipo no anterior partido co Sar, en este contra o Viduido foi moito peor. Pésimo partido dos nosos que tiñan a oportunidade de pasarlle na clasificación a un rival directo pero que pola contra saíron «escaldados» do campo do Viduido. Moi mal a defensa que aos cinco minutos fallaba estrepitosamente nun ataque dos locais marcando gol o extremo dereito a porta baleira. O empate chegou uns intres despois nun pase da morte que recibíu Cosita na área pequena e que so tivo que empurrala para dentro. O segundo foi parte erro da defensa e parte erro do árbitro cando a defensa lle quixo deixar o balon a Josito e chegou o dianteiro e levou o balón das mans del, en parte coa man, para logo subir o segundo ao taboleiro. O terceiro foi outro erro semellante ao primeiro gol. Así se chegou ao descanso.

Na segunda metade mellorou algo o noso xogo pero tampouco en demasía, ademáis o Viduido coa renta do 3 -1 cerrabase atrás e saía ao contragolpe. Así aproveitou para provocar un penalty e conseguir o cuarto. Logo Pechu nun novo contragolpe fixo unha mala saída e foi expulsado por dobre cartón amarelo. A portería foi ocupada polo Chaparrito que non puido evitar o quinto nun novo penalty esta vez provocado por Balteiro. Así foi, con diferencia, o peor partido da tempada do noso equipo que parecía que xogaban cunha perna menos.

E agora tamén vos queda a clasificación que mostra a mala traxectoria dos de Fachuco nesta parte da tempada. Tamén se aprecia os resultados desta pasada xornada e os enfrontamentos da semana que vén:

• Noticias relacionadas en: Fútbol Cabo da Cruz, Novas