Copa Do Sar

Despois dos primeiros cinco minutos xa se podía observar que o campo estaba fatal para a práctica do fútbol, pois os botes do balón eran demasiado imprecisos para un clube que ascende á 2ª autonómica. Pero isto era así para os dous equipos enfrontados.

A primeira clara ocasión foi para o Pobra a través dun penalti un tanto dubidoso pitado polo linier. Pero o que non sabía Cheché era que Cristian xa sabía por onde ía ir o esférico. Tras aguantar ben o lanzamento do dianteiro, o cancerbeiro fixo unha estirada para botar o balón a córner e salvar o que podía ser o primeiro gol do Puebla.

Uns intres despois, a maxia de Babaká desbordou a banda cuns regates en velocidade e bateu por debaixo ó porteiro visitante nunha definición maxestuosa do xogador estranxeiro. Isto poñía o 1 – 0 no marcador, pero o partido seguía na mesma dinámica de igualdade e os pobrenses non se deron por perdidos nin moito menos. Chegábase así ó descanso.

Pero o equipo visitante saíu moi concienciado para esta segunda metade na que tras un fallo da defensa por mor de deixar ó dianteiro en fóra de xogo, provocou unha saída e despexe de Cristian que foi aproveitado polo dianteiro para marcar case a portería baleira. Isto poñía as condicións moi igualadas para ambolos dous escadróns co 1 – 1.

A medida que ía pasando o tempo o Cabo de Cruz ía pagando a factura da forma física polo que Juancho tivo que botar man do banquiño facendo os cambios: Nolo por Óscar, Chiqui por Romero no minuto 70 de partido e cinco minutos máis tarde deulle entrada a Siti por Toño (alegando unha doenza). Pero o partido non ía quedar así, xa que nun asedio á defensa do equipo local, os da Pobra lograron adiantarse no marcador a través dunha boa xogada que lles deu a victoria final.

Os crucenses afirman que a eliminatoria aínda non está pechada nin moito menos, xa que un resultado cunha diferencia dun gol é case totalmente un partido aberto para os dous equipos e aseguran que no Campo da Alta van a ir a por todas sen dúbida algunha.

Agardamos que sexa así e que o equipo da nosa vila acade ese valioso pase a semifinais para estar máis preto do título da Copa do Sar.

De sorte estamos no Cabo da Cruz vendo como o noso deporte se consolida cada vez máis, sexa co remo, co piragüismo, co fútbol… Pero a verdade é que en deporte temos moito que dicir en tódolos ámbitos. Porén, o día de hoxe é de parabéns para o fútbol crucense.

Dende os comezos desta tempada, os de Juancho xa daban cadras do seu enorme potencial e tamén das súas gañas de levarse o título no peto. Faltando así algúns partidos para que a tempada ligueira dea punto, os xogadores e todo o equipo xa se proclamaron campións absolutos gañando ese punto que os separaba da victoria.

Foi moito o esforzo plantexado pola entidade para chegar a onde están a día de hoxe e os méritos fanse ver nas facianas dos xogadores. Ó final deste túnel agardaos o ascenso a unha división superior onde se deberán medir a equipos dun nivel axeitado ó seu xogo e onde terán que poñer toda a tallada no asador.

Agardamos tamén que a entidade futbolística sexa quen de manter as fichaxes de ámbito internacional que tivo para este ano. Pois os reforzos sempre veñen ben e márcanse con xogadores coma Crisitian, Maicon, Siti, Babaká, etc. Á parte tamén dos xogadores de orixe local como algún chegado dende Rianxo, Boiro, Runs e arredores. O ideal para un clube ascendido recentemente sería ter unha canteira ou filial que fose quen de aguantarlle á xente, pero dadas as circunstancias e os ventos que sopran dende a directiva, que o B xa non vai estar para o ano que ven.

Sen máis, dende CaboDeCruz.Net agardamos que disfrutedes da vosa victoria, da vosa liga e de todo o que vos ven por diante. Ánimo!

Partido intenso no xogo a pesares do resultado final.
O do domingo foi un partido bastante entretido xa que ámbolos conxuntos buscaron continuamente a portería contraria sen conseguir movelo marcador inicial. O conxunto visitante estivo a piques de adiantarse duas veces no marcador con dous balóns ao pao, primeiro nun rapido contragolpe que o dianteiro finalizou disparando ao primer pao estrelando o balón contra el. O segundo foi unha falta de libre directo que tras un pequeno rexeite de Josito tocou a escadra esquerda do noso equipo. Os nosos tamén tiveron as súas opcións pero non tan claras. Empate final que ao fin e ao cabo foi o resultado xusto.

Aliñación titular:

Josito (1)
Chaparrito (2) – Ami (4) – Adrián (5) – Porrón (3)
Cosita (7) – Buda (6) – Balteiro (8)
Risi (11) – Finidi (10) – Marcos (9)

Tamén xogaron: Richi e Zimpi

E para completar esta información aquí tendes a clasificación xeral dos equipos e tamén os resultados desta semana. Como podedes observar para a semana imos á casa dos líderes do grupo 10 da terceira autonómica. Vai ser un partido complicado, porén Fachuco debe botar man da maxia dalgúns xogadores [...].

Segundo sinalaron os locais, na xogada do gol no minuto 12, o xogador do Cabo de Cruz seguio co xogo cando dous xogadores estaban tentidos no céspede tres un choque entre eles. O adestrador, Juancho, non se quixo pronunciar sobre o polémico gol e limitouse a afirmar que a formación ribeirense mantivo un maior dominio territorial, pero sen ocasións claras de gol. Comentar tamén que Roberto e Artola enviaron dous balóns ó pau e que o local Coira foi expulsado no minuto 85.

Sendo así, o noso equipo marca a diferencia co segundo clasificado e crea un bo colchón de cara ó remate da liga. Agardamos que se as cousas continúan así, dentro de dous ou tres domingos, o Cabo de Cruz A, se proclame vencedor do campionato.

E para que vexades o preto que están do título, aquí vos queda a clasificación e mailos resultados dos últimos partidos:

Partido raro e polémico no que o noso equipo sacou un empate a falta de poucos minutos para o remate do encontro.
O partido comezou cun xogo de toque e combinativo por parte dos nosos que enlazaban moi ben en defensa e medio campo pero aínda por estas lle costaba chegar á meta rival. Os primeiros vinte minutos foron claramente do noso equipo pero apartires de ahí o Viduido espertou e meteuse no encontro. A falta duns dez minutos para rematar a primeira metade chegou a primeira xogada polémica cando despois de sacar Josito un balón da línea de gol, a xogada continuou e nun novo centro ao área dous dianteiros do Viduido estaban claramente en fora de xogo. Porrón e Josito tentaron evitalo gol pero non foi posible tras batelo disparo no pe de Porrón e descolocar ao noso cancerbeiro. A segunda metade comezaba ca idea de ir a polo encontro pero os nosos non conseguian pasala defensa visitante. Mediada a segunda parte, nun contragolpe do Viduido, o dianteiro encarou a Ami, que era o último defensa con Porrón, e tras levar ao primeiro e antes de encarar a Porrón abreu o balón á banda dereita onde entraba o extremo dereito, de novo en fora de xogo claro, o cal conseguiría o segundo gol para o Viduido. Os nosos xa vían o partido moi difícil, tanto polo mal encontro que estaban realizando como polo mala actuación do colexiado que tampouco parou a tempo moitas das fortes entradas que recibiron os nosos. Pouco despois nun novo contragolpe e de novo en fora de xogo chegaba o terceiro visitante despois que o dianteiro batese por alto a Josito. Todo estaba perdido pero aquí chega o bo. Nunha falta votada por Adrián o porteiro rexeitou o forte disparo no área pequena e Risi aproveitou para batela portería baleira. Uns intres despois foi Balteiro quen conseguiría o segundo dos noso tras un disparo lonxano que tragou claramente o porteiro visitante. O gol definitivo chegou case sobre a bocina, cando despois dun córner, un barullo no área foi aproveitado por Ami para establecer o empate definitivo.

Aliñación titular:

Josito (1)
Chaparrito (2) – Ami (4) – Adrián (5) – Porrón (3)
Balteiro (6) – Cosita (7) – Richi (11)
Risi (10) – Marcos (9) – Finidi (8)

Tamén xogaron: Buda, Andoni e Zimpi

Pois ben, aquí tamén se viven emocións fortes, pero vemos que o noso equipo non comeza esta volta coa intensidade coa que rematou a outra volta, porén, formacións do fondo da táboa como é o Viduido puxeron en claros apuros ós xogadores do Cabo de Cruz B, que ata que espertaron e decidiron botarse a polo partido, non houbo un rexurdimento claro das nosas ocasións. E Adrián, tranquilo que sabes que eu non fallo, aínda que sexa tarde, a túa crónica sempre a vas a ter aquí, no teu lugar de referencia: CaboDeCruz.Net!

Agora podedes ver aquí a clasificación da nosa liga:

Coma sempre, de primeira man, chegounos a crónica desta xornada e deste partido de parte de Porrón. Sen máis preámbulos déixovos coa crónica deste partido:

Esta foi a tonica xeneral do que pasou no partido desta xornada en Extramundi. Un rival moi superior apabullou o noso equipo que pese a que non o fixo tan mal como o marcador indica, veuse cunha ampla derrota.

Nos primeiros 20 minutos parecia que o noso equipo seria capaz de aguantar o lider da categoria asta o descanso do partido, pero como en moitas ocasasions pasa, a raiz do primeiro gol en contra chegaron os outros.

Deste xeito chegamos ó descanso cun global de 4-0 e cun equipo que se veu abaixo debido a que via que tiña diante a un rival que quizais sexa o que mellor futbol realice da categoria superando incluso o noso ver o Recesende e o Dodro.

Logo do descanso, como e habitual Fachuco puxo a estratexia de tres defensas, que fixo mellorar algo en ataque pero que sufria moito en defensa nos contragolpes, pero ainda asi o resultado global da segunda parte foi de 2-2 cos goles de Chaparrito que actuou de dianteiro e meteu un gol con moita moita fortuna, e Ammi de penalti. Tamen cabe decir que Cosita fallou un penalti cando o partido ía 4-1.

Pois ben, partido e resultado amargo para os nosos que teñen para a semana unha nova oportunidade de facer un xogo limpo e con goles que nos dean a victoria. Agardamos ó Viduido, que anda polo chan da táboa, pero nunca se pode confiar nestes equipos de abaixo, xa que en calquera momento poden sorprender dun xeito inesperado.

Aquí tendes a aliñación e os homes que xogaron este partido:

Gardamallas: Josito

Defensa: Rabiso-Adrian-Ammi-Chaparrito

Medio do Campo: Cosita-Roberto-Balteiro

Dianteira: Buda-Finidi-Andoni

E para que teñades tamén unha visión global da liga, dos partidos xogados, e dos que se van a disputar este domingo, aquí queda a clasificación a día de hoxe:

Partido soso en liñas xerais que rematou nun máis que xusto reparto de puntos para ámbolos conxuntos.
O noso equipo nesta xornada rendía visita ao Pazos coa intención de gañalos tres puntos en xogo e afastarse na clasifición do equipo de Padrón.
O encontro comezou co equipo local empuxando hacia a meta do noso conxunto pero sen conseguir demasiado perigo, mentres que os nosos non conseguían chegar á meta rival como se estaba conseguindo nos anteriores partidos. O xogo era un toma e daca de ámbolos cadros pero non había un claro dominador do encontro. Chegaríase ao descanso co empate sen goles.
Xa na segunda metade, os nosos estaban concienciados do importante que era conseguila victoria e pouco despois nun balón que David recibía por alto, e de espaldas á portería, dun certeiro cabezazo, conseguía poñer o balón lonxe do alcance do meta local. Co gol conseguido, os nosos relaxáronse un pouco e sumado aos cambios efectuados polo Pazos, o noso conxunto foi cedendo terreo e véndose cerrado atrás aguantando o resultado. A uns dez minutos para o final, nunha xogada non moi clara, o colexiado pitaba penalti a prol dos locais por unha dubidosa man. Así foi como o Pazos conseguíu o empate e se nos escapaban dous puntos importantes.
Cabe destacar que a falta duns vinte minutos David foi expulsado por doble cartón amarelo por reiteradas protestas tralo penalti sinalado polo colexiado.

E os homes do noso escadrón do domingo foron:

Aliñación titular:

Josito (1)
Chaparrito (2)- Ami (4)- Adrián (5)- Porrón (3)
Balteiro (6)- Cosita (7) – David (11)
Buda (10) – Marcos (9) – Finidi (8)

Tamén xogaron: Risi, Zimpi e Andoni

Lástima deses tres puntos tan bos e que tanta falta fan para erguerse un pouco nos postos do taboleiro, pero aínda así o conto é sumar cada partido. Para que o vexades mellor déixovos coa clasificación e os resultados desta xornada:

Agardamos que para este domingo que vaia a facer soliño do bo, a xente se achegue ata Valiño para darlle ánimos a esta xente que boa falta lles fan, e para que o equipo do Cabo da Cruz B acade os obxetivos fixados nesta tempada.

Como xa vos dixera fai unha semana, as fotos estaban ó caer e a punto de saír do noso departamento de deseño. Non foi sen tempo, pero aquí tendes as ansiadas fotos que estabades agardando. A web CaboDeCruz.Net vai facendo os deberes, pouco a pouco, pero efectiva. Agardamos agora que vós tomedes en serio tamén cada partido e nos deleitedes cunha nova victoria cada domingo.

Agardamos que o diseño da vosa páxina quedase máis ou menos a gusto de todos. Sabemos que falta xente aínda por quitar a foto, pero descoidade que en vindeiros partidos será enviado un fotógrafo para a instantánea. Se hai algo que engadir ou suprimir, xa sabedes que estamos en contacto a través desta web.

Dentro de pouco agardamos tervos xa a todos para que esta web sexa un referente do fútbol da nosa vila do Cabo da Cruz, entre outras moitas cousas que abordamos.

Sen máis, o prometido é débeda, e aquí está.

Non sendo así nos últimos encontros onde a victoria se puxo do noso favor e facendo ata un bo xogo bastante vistoso, nesta fin de semana foi todo o contrario. Xa nos exercicios de quencemento de antes do partido, a concentración dos nosos xogadores estaba máis co partido do Deportivo – Real Madrid ca do encontro que ía ter lugar alí. É entendible tamén como os xogadores, xente nova, caldeiros de hormonas que estouran o sábado pola noite, é entendible que non teñan toda a concentración que fai falla.

Pero temas aparte, non se poden facer moitas valoracións de todo isto xa que en si houbo moi pouco perigo para os porteiros, e onde o noso equipo tivo un par de ocasións claras de gol, coma o equipo contrario que tamén gozou do seu par de oportunidades. Destacar tamén que o noso novo dianteiro Óscar tivo que abandoar o terreo de xogo por mor dun tirón nunha perna, cedendo así o seu posto a Buda.

No descanso Fachuco dou a súa particular charla para tratar de espabilar ó plantel, pero nada diso serviu, pois o encontro rematou sen goles pola falta de motivación e acerto dos xogadores que ainda que o empate soubo amargo, un punto é mellor ca ningún, co cal dende CaboDeCruz.Net apoiamos ós nosos xogadores para que no vindeiro encontro en terras do Pazos.

Destacar tamén ó final do partido un altercado que houbo cando un xogador do Terras do Ulla quedou tendido no céspede, e namentres o colexiado non paraba o xogo, unha muller entrou ó campo sen ningún tipo de permiso. Debido a iso, un dos nosos xogadores dirixiuse á muller indicándolle que non debía facer iso, pois o balón aínda estaba en xogo. Finalmente o colexiado botou á señora do campo, e un afeccionado do Terras do Ulla dirixiuse ó noso banquillo cun tono chulesco preguntando polo que lle dixeran á señora. Unha situación absurda, cando eles sabían que non tiñan razón, pois a invasión ó campo vai en contra do regulamento do fútbol. Agardamos que isto non volte acontecer nun campo, e si pasa, que a xente saiba que non está permitido.

Finalmente, non hai máis que contar ca un empate que cun pouco de ansia puido ser unha victoria clara para seguir subindo postos na táboa. E coma de costume déxivos cos xogadores do Cabo de Cruz B que interviron no encontro e mais coa clasificación e cos vindeiros encontros da liga:

Aliñación titular

Gardamallas – Josito

Liña defensiva – Chaparrito – Ami – Adrián – Porrón

Medio do campo – David – Balteiro – Cosita

Dianteira – Marcos – Oscar – Finidi

Tamén xogaron Buda – Kepi (dende Namek) e mais o Zimpi (recuperado xa da súa lesión)

Chegando ás 15.30 da tarde xa se palpaba que era un día de partido en Valiño, pois tanto os visitantes coma os locais estaban xa no estadio agardando a recibir as últimas instruccións dos técnicos e tamén cargando as pilas para xogar o encontro. Na charla previa ó encontro vimos a un Fachuco un pouco farto de que non se lle preste atención cando el está falando, pois hai veces que cando fala parece que non se lle atende todo o posible, e como entrenador deste equipo quixo impoñer a súa posición sobre o resto dos xogadores como é debido. Ó campo saíuse coma sempre, con moita ilusión ó principio, pero pasados os primeiros 15 minutos floxeamos un pouco e é o contrario o que toma as rendas do xogo. Pero neste caso os papeis equilibráronse un pouco máis polas ganas e o empeño dos nosos xogadores que sabían que unha victoria era un trampolín para escalar algún posto na táboa frente a un rival directo como era o Bugallido.

As nosas forzas non afrouxaron e cando pasaba media hora de xogo, nun acto de presión de todo o equipo ante os visitantes foi posible un roubo de balón cando o irmán de Balteiro, Óscar quebrou ó porteiro nun xesto de calidade e bateu a portería contraria para establecer o 1 – 0. Pero como sempre pasa o que pasa, pois nun claro erro de marcaxe da nosa defensa que non soubo bascular o xogo cara a banda esquerda creouse a xogada do empate cando nun centro dende a dereita, o Chaparrito nun intento de despexe bateu a Josito. Tamén hai que dicir que nun saque dende o curruncho, nun choque fortuito entre a nosa liña defensiva, o noso porteiro Josito sufriu un golpe que lle propiciou unha mazadura enrriba da cella. Chegando así ó descanso.

A charla do descanso foi bastante curta dado que o tempo engadido á primeira metade foi extenso e os nosos xogadores saíron coa mesma liña de xogo. O encontro semellaba un rifirrafe coa pelota, pero Fachuco púxose serio e mandou quentar a artillería suplente. Primeiramente reforzou as bandas coa calidade de Porrón e a maxia do Rabiso para darlle máis dinamismo ó xogo. Nestes intres é cando nunha xogada dos irmáns Balteiro comezada nun contragolpe chegou o encarrilamento do gol da vantaxe final. Da carreira de Óscar xurdiu un disparo envelenado que o porteiro foi quen de despexar, pero a chegada de relámpago de Ami dende o seo defensivo fixo que éste collese o rexeite para anotar o 2 – 1.

O marcador non se movería, pero agora é cando comeza a notarse o protagonismo arbitral. Non se sabe o motivo, pero os colexiados sempre teñen que favorecer a un equipo en cuestión, e que casualidade que sempre é o equipo contrario. Os xogadores do Bugallido convertíanse en colexiados ocasionais pitando xa eles mesmos o encontro, sen que o home de negro fixese nada. Ben podería ser porque non se enteraba do xogo ou ben porque tiña preferencia polo visitante. Comentar así o xesto de infantiles de Cosita, cando nunha falta a favor do Bugallido moi discutida dirixiuse ó colexiado con palabras despectivas e éste sacoulle o segundo cartón amarelo que o mandou directamente para fóra. Un acto que nunca debe facerse e menos cando temos o partido a favor, pois os que teñen que desesperar son os contrarios. Destacaremos tamén a entrada de Ramón e Michael que coas súas ganas, maxia e fame de gol, deixáronnos un bo sabor de boca deste encontro gañado.

Finalmente chegou o pitido final que soubo a gloria no seo do Cabo da Cruz B, pois esta victoria fai que adiantemos ó Pazos na táboa, tendo así no punto de mira ó Bugallido.

Aliñación titular:

Gardamallas: Josito

Liña defensiva: Chaparrito – Ami – Adrián – Andoni

Medio do campo: David – Cosita – Balteiro

Ataque: Finidi – Óscar – Risi

Tamén xogaron: Porrón – Rabiso – Buda – Ramón – Michael

Resumo do plantel:

Josito sen moito traballo.

Chaparrito douno todo ata desfacer os xeonllos.

Ami moi firme na defensa e acertadísimo no último gol.

Adrián o xogo aéreo foi dominado por el e as marcaxes ó home foron precisas.

David aguantou o medio do campo con moito traballo.

Cosita Non foi o seu mellor partido. Moi frouxo.

Balteiro incansable e con moita garra. Un dos mellores do encontro.

Finidi carente de xogo aéreo pero áxil nas escapadas pola banda.

Óscar douno todo e creou o perigo na meta visitante.

Risi bo xogo e moi constante.

Coma sempre, podedes comparar a xornada anterior con esta e ver a evolución favorable do noso equipo: