Nas axudas da Xunta de Galicia ó idioma galego deste ano, o orzamento veuse mermado nun 35%. Isto tradúcese en que os equipos de normalización e dinamización lingüística da comarca do Barbanza van a ver un notable descenso na economía que promove o idioma de Galicia. Ista reducción tradúcese en máis de 15.000 € que o goberno de Núñez Feijoo lle quita á nosa lingua.

Segundo a prensa escrita, as verbas da Coordinadora de Equipos de Normalización e Dinamización Lingüística do Barbanza foron: «Parécenos totalmente inadecuado que se concedan estas axudas en abril, cando quedan apenas dous meses para o remate do curso, o que provocou que a actividade dos equipos estivese practicamente paralizada durante todo o período lectivo».

Esta mesma coordinadora sinalou que os orzamentos para Galicia se reduciron nun 20%, e agora especialmente para a nosa bisbarra a outra reducción é do 35%. Isto vai a impedir que se fomente o noso idioma, que se sigan publicando revistas que levan moito tempo entre nós e que a cultura dun pobo coma o galego quede reducida por culpa que quen odia ó galego.

A entidade fixo un chamamento á Xunta para tratar de negociar e que a Consellería de Educación non siga por este andar no que os nenos e nenas galegos non poidan aprender o seu idioma propio de Galicia. A todo isto, o goberno galego non se pronunciou neste tema e tampouco dou ningunha explicación ó respecto.

• Noticias relacionadas en: Cultura, Notas de prensa, Novas

A asociación GB (Galicia Bilingüe) ten previsto acudir ós centros educativos da bisbarra do Barbanza para aconsellar e axudar ás familias a escoller a lingua na que estudarán os cativos. Tamén axudarán a escoller as asignaturas que irán en cada idioma para o vindeiro curso. A actividade pretende repartir folletos explicativos nos centros e tamén facilitarán información a través da súa web.

Isto fano para que os pais saiban da «importancia que tiene que los niños puedan estudiar en su lengua materna, sea gallego o castellano», segundo afirma a súa presidenta, Gloria Lago. Mesmo tratan de mostrar un estudo que os avala na súa mensaxe. Dito estudo, de caracter orientativo, inclue exemplos de terminoloxía específica para as asignaturas de matemáticas e coñecemento do medio en primaria.

Dada a inmediatez da campaña, o colectivo aínda non dou datas para a súa intervención, pero indicaron que van a pretender chegar a tódolos centros da zona.

• Noticias relacionadas en: Notas de prensa, Novas

Será mañá ás 19.30 cando remate o prazo de presentación das candidaturas á presidencia da Asociación Boirense de Empresarios (ABE) e de momento tampouco houbo alternativas ó actual presidente. Ó parecer, cando menos en público, non hai ninguén que queira coller os mandos da entidade para os dous vindeiros anos e tódalas espectativas apuntan a este home.

O xoves serán celebradas as eleccións nunha asamblea que vai ter lugar no novo local da ABE, tal e como se plantexou na xuntanza do pasado día 6 onde se convocaron os comicios e se tratou de emitir a situación da economía da ABE. Tamén se espuxeron os balances das actividades feitas durante o pasado ano.

As explicacións dadas por Carlos Rodríguez en canto á súa nova presentación foron que aínda lle quedan uns proxectos por rematar da súa primeira etapa. Segundo as súas afirmacións, son proxectos coma por exemplo, o centro de formación que aínda non se puxo a andar. Pola contra, aínda non se escoitou a ningún outro empresario que quixera tomar as rendas da entidade e todo apunta a que vai ser Carlos o vindeiro presidente da entidade.

Dende aquí tamén queremos animar ós empresarios do Cabo da Cruz a que se animen e se anuncien para representarnos tamén nunha entidade importante como é a ABE. Pero sendo así o transcurso das cousas, estamos seguros de que Muñiz vai facer un bo papel no lugar que vai ocupar.

• Noticias relacionadas en: Notas de prensa, Novas

Xa foi tamén nos anos 2006 e 2008 cando o noso concello recibiu este distintivo da Bandeira Verde – Municipio Resposable. É un distintivo moi positivo para o noso entorno, xa que isto anima sempre a moita xente a achegarse a ver as nosas paraxes e a nosa maneira de vivir en armonía co medio ambiente. É a Fuci (Federación de Usuarios e Consumidores Independentes) a que otorga este galón ós concello que desenvolven políticas respetuosas co medio ambiente.

O principal detonante desta nova foi a recollida de residuos e limpeza, o consumo enerxético responsable, a educación ambiental e a participación da cidadanía nas iniciativas promovidas polo concello de Boiro. Cabe dicir tamén que este ano xa é a undécima edición do galón onde o noso concello xa levou tres recoñecementos de méritos pola súa boa labor.

Será o noso rexidor Xosé Deira o que vaia a Madrid a recoller a Bandeira Verde nun acto que terá lugar o vindeiro día 7 de maio. Vai ser un día no que a xente do concello e tamén de Cabo de Cruz debemos estar ledos por facer da nosa vila e arredores un lugar mellor para vivir.

Dende CaboDeCruz.Net agardamos que o concello siga con esta dinámica e adicación a un tema tan importante como é coidar da terra onde vivimos.

• Noticias relacionadas en: Cultura, Notas de prensa, Novas

Trala celebración da xunta xeral da Confraría de Mariscadores do Cabo da Cruz, Carmelo Vidal anunciou que este ano non haberá novas incorporacións no listado de mariscadores. A posibilidade estaba ahí para poder dar algún que outro posto de traballo, pero finalmente quedou a negativa.

As principais causas desta toma de decisión foron que na última campaña caeu a producción de marisco e os ingresos víronse mermados con respecto ós do ano pasado. Polo tanto os mariscadores de a flote coma os de a pé seguirán sendo os mesmos cós do ano pasado.

O patrón maior sinalou tamén que os bancos naturais non están no seu máximo explendor debido á morte de bastante marisco por mor do mal tempo, co cal non se pode dar máis traballo, xa que daquela os ingresos por mariscador veríanse reducidos debido á falta de materia prima.

• Noticias relacionadas en: Notas de prensa, Novas

O vindeiro día 24 deste mes dase por rematado o mandato na Unión. Ese mesmo día darase pé a unhas novas eleccións para trocala directiva e o goberno desta asociación local. O colectivo de socios da entidade está convocado por Benigno Sánchez a unha xuntanza no local de Amebarraña en Curbera. Alí o presidente da Unión presentará a súa dimisión e darase paso ás eleccións. Por outra banda, na asamblea presentarase tamén o balance de contas correspondente ó ano 2009 e darase paso a posibles rogos e preguntas.

Agárdase que vaian tódolos socios para este acto tan importante e tamén se anima á xente a que se comprometa co tema do Cabo da Cruz. Sería un bo síntoma que cada vez sexa máis xente a que se comprometa con esta inciativa de fai anos e que sempre loitou polos intereses da nosa vila.

E como non, animar a que novos dirixentes e equipos de goberno se presenten ás eleccións para poder así entre todos facer do Cabo un lugar mellor, xa que a competencia fomenta a actividade. En fin, agardámosvos a todos o día das eleccións e que gañe o mellor.

• Noticias relacionadas en: Notas de prensa, Novas

Esta foi unha mala tempada para os mariscadores do Cabo da Cruz pola baixa nas colleitas de bivalvo con respecto ó ano pasado. Pasaron este ano ó pé dunhas 276 toneladas frente ás 319 do ano pasado.

Toda a xente do mar é consciente das perdas deste ano, pois as 43 toneladas de menos que se colleron este ano fixéronse notar moito nos petos dos mariscadores e tamén na economía local. Nesta campaña obtívose unha facturación duns 2,6 millóns de euros, cando o ano pasado superáronse ben os 3 millóns. Estamos a falar de cantidades importantes que inciden directamente nas vidas da xente que se adica a esta actividade.

Os dirixentes da Confraría achacaron estas perdas a dous principais factores: o furtivismo e tamén o mal tempo que fixo que moito marisco morrese.

O patrón maior, Carmelo, indicou que os bañistas este ano tocaron bastante as praias para levarse unha boa tandada de marisco que a xente do Cabo da Cruz sementa para a súa posterior colleita. Sinalou tamén ás bandas que organizadamente extraen o marisco das praias burlando así a presencia dos vixilantes. Pero matiza que ultimamente o furtivismo descendeu pola presenza do persoal da Xunta de Galicia nas nosas praias.

Os temporais deste inverno tamén foron un bo pau para a materia prima das praias. O patrón comentou que na desemboradura do río Coroño morreu unha chea de marisco, concretamente de berberecho e ameixa babosa debido ás grandes cantidades de auga doce que chegou ó mar.

Finalmente o balance deste ano foi claramente negativo, pero as esperanzas para o ano que ven sempre son maiores, pois isto tense que convertir nun medio de vida seguro e productivo para as familias do Cabo da Cruz. O esmero e adicación da nosa xente de seguro vai facer que este traballo sexa un punto fundamental da nosa economía.

• Noticias relacionadas en: Cofradía de Pescadores, Notas de prensa, Novas

Foi no mes de xaneiro cando o temporal Flora arrasou por completo o tellado do pavillón deportivo do Cabo da Cruz, pero é no mes de abril cando aínda os nosos dirixentes non son quen de amañar os desperfectos. É moi triste e lamentable que isto estea a acontecer en pleno S.XXI, cando algo rompre ou falla e que os dirixentes estean pasando a pataca quente a ver a quen lle toca amañar. Finalmente parece que isto xa vai a ter un final, pero dende que ía ter un final ata o propio final pasaron moitos días nos que os crucenses non puidemos disfrutar dun polideportivo. Esta é a realidade.

Despois do debate entre o concello de Boiro e a Consellería de Educación parece que as augas van amansar en canto á reparación dos danos. Finalmente parece que vai ser a Xunta de Galicia a que se responsabilice de poñerlle o tellado ó pavillón do colexio Santa María do Castro. Algo valorado nuns 120.000 €.

Pero isto non acaba aquí. Parece ser que o acordo entre o goberno local e a Xunta foi que Administración comprométese a amañar o tellado do pavillón, namentras que o concello debe facer algunha que outra mellora no propio colexio. Co cal é un novo lío para todos posto o reducido orzamento do concello para acometer tales obras.

A principal cuestión deste vaivén é que o complexo deportivo sexa utilizado polos cativos do colexio, o que indica unha clara responsabilidade da Xunta. Pero por outra banda tamén é utilizado por persoal municipal (calquera pode facer uso das instalacións), co cal esta responsabilidade sería do concello de Boiro. Aquí é un punto de enfrontamento entre os dous puntos de goberno que dou lugar a tantísimo retraso en algo moi sinxelo: amañar un tellado.

Sendo así outra nova desta web, de seguro que teremos máis deste aspecto: sen solución algunha. A data de inicio das obras aínda non está nin concretada, xa que hai cousas pendentes de resolver enriba da mesa. Agardamos que o goberno local e a Xunta se dean présa para formalizar este problema que nos afecta a tódolos veciños do Cabo da Cruz.

• Noticias relacionadas en: Notas de prensa, Novas, Obras e Proxectos

Entre o segundo e o cuarto chegou a embarcación do Cabo da Cruz nesta úlitma regata antes de comezar a andaina do mes de xuño. Foi nas augas da ría da Arousa que bañan o concello do Grove onde os nosos fixeron unha boa tanda cuns piques entre os escadróns de Chapela e Meira. A cabeza da regata estivo marcada polos reiros de Amegrove, seguida de Tirán e dos crucenses. Aquí tedes a clasificación cos tempos marcados:

Clasificación: 1º. Amegrove (21.10.20), 2º. Tirán (21:22.28), 3º. Cabo da Cruz (21:31.11), 4º. Chapela (21:35.45),  5º. Samertolameu de Meira (21:37.22), 6º. Náutico de Vigo (21:40.24), 7º. Vilaxoán (22:06.95), 8º. Mecos A (22:08.31), 9º. Ares (22:36.63), 10º. Coruxo (22:38.08), 11º. Esteirana (22:46.12), 12º. Robaleira (22:50.29), 13º. Vila de Cangas (23:05.86), 14º. Mecos B (23:20.58), 15º. Cesantes (24:23.17).

Non está nada mal quedar nun merecido terceiro posto contando que eran quince clubs os que se disputaban esta crono anterior á competición. Coma sempre os crucenses dando golpes de autoridade enriba da mesa e deixando o seu listón onde debe estar: entre os mellores.

Dará comezo a Liga Galega en terras do concello de Ares o día 13 de xuño e onde as formacións de remeiros galegos deben estar ó 100% para acadala máxima  puntuación nun título que sempre anima a seguir gañando galóns aló no estranxeiro. Esta liga traerá xente de fóra ó Cabo da Cruz, pero tamén a nosa embarcación terá que coller o remolque ata terras de Esteiro, Rianxo, A Pobra do Caramiñal e mesmo a ría de Muros e Noia.

Logo para o vindeiro mes de xullo, aló polo día 7, está previsto que dea comezo o Eusko Tren que levará ás formacións de Vizcaya, Cantabria, Galicia e Guipúzcoa. Da formación galega, como xa é frecuente, irán remeiras do Club de Remo do Cabo da Cruz ainda que non serán tantas coma o ano pasado, xa que o traballo de cada un é o primeiro.

Sería un aliciente moi importante que os nosos remeiros, profesionais da élite do remo, puidesen vivir directamente deste deporte como acontece noutras comunidades. Tamén sería bo que o clube crucense tivese máis apoios para ter fondos e poder remar en tódalas competicións posibles, pero iso xa queda en mans de quen move os fíos nestes lares.

• Noticias relacionadas en: Clube de Remo, Notas de prensa, Novas

O tema destes últimos días que deu tanto que falar en CaboDeCruz.Net segue sendo o dos pasos elevados. Aquí tivemos opinións diversas de xente que estaba totalmente en contra desta pequena obra, pero tamén había xente que dicía que aínda eran poucos os pasos instalados na estrada que une Boiro co Cabo da Cruz. O concello tivo xa varias queixas de veciños que afirman que polo núcleo urbán crucense hai coches circulando a grande velocidade e nalgunha carretera secundaria tamén.

O núcleo urbán da nosa vila, non é ningún tipo de circuito urbán, pois pola súa densidade de tránsito peonil e tamén polas rúas estreitas fan que a conducción a elevadas velocidades sexa algo máis ca perigoso. Malia estes datos hai varios conductores que infrinxen a lei na súa totalidade saltando os límites de velocidade poñendo en perigo a moita xente.

Tamén nas periferias do Cabo da Cruz se incumpren as normativas de circulación. Concretamente na recta de Carragueiros que vai ata o Chazo, hai xente que exprime ó máximo os seus coches e mesmo facendo carreiras en modo «A Todo Gas». Este tipo de actuacións adoitan facerse pola noite cando o tráfico non é tan intenso para non entorpecer ós bólidos.

Dende o concello tamén afirman que os pasos elevados se puxeron precisamente para fomentar a seguridade do vial e tamén para evitar os excesos de velocidade. Sinalaron tamén que son numerosas as queixas e protestas dos veciños por este tipo de actuacións, e lamentan que a implantación dos pasos non remate totalmente co problema.

Dende CaboDeCruz.Net recibimos algunha que outra opinión da xente indicando que os badéns non eran a solución a este problema e que isto fainos pagar a todos os pratos duns poucos. Tamén se di que os que fan as carreiras sábese de sobra quen son con nomes e apelidos, pero que a actividade das autoridades na zona é practicamente nula. Algúns opinan que se deberían poñer coches camuflados e tratar de collelos a todos pouco a pouco poñendo as súas considerables multas.

Pero a pregunta é: ¿Realmente os pasos elevados son unha medida que racha con este problema? ¿Qué medidas propoñedes para que isto se solucione? ¿Son uns poucos os que corren ou hai un claro exceso de velocidade por parte da maioría dos crucenses?

• Noticias relacionadas en: Notas de prensa, Novas