A recuperación da fachada marítima de Cabo de Cruz é un obxetivo fixado polo goberno do concello de Boiro, xa que as primeiras iniciativas xa se tiveron coa rexeneración da Ribeira Grande, onde se adecentou a zona para que se poida disfrutar da nosa costa. As vindeiras actuacións serán no tramo que une Subuqueiro con Curbera. Todo comezou coa construcción do novo porto e prevese que se remate cun proxecto que abarque toda esta zona de litoral.

O proxecto vaise a levar a cabo en dúas fases distinguidas, segundo explicou Ares. A primeira será a mellora do entorno da dársena crucense, así coma o aproveitamento dos traballos de urbanización deste proxecto que está a facer a entidade de Portos de Galicia.

A intención é aproveitar o recheo que se fixo para o paso dos camións en Subuqueiro para poder establecer unhas zonas verdes que impliquen un pequeno paseo dende o novo muelle ata Curbera. Asi mesmo, daráse tamén servizo ó novo porto  deportivo aínda en proxecto. Rafael Eimil, Xefe de Demarcación de Costas, xa dou unha opinión favorable sobre este novo proxecto que nos brinda o concello.

A segunda parte do proxecto será a que máis ten que ver con este novo paseo polo litoral de Cabo de Cruz. O goberno tratará de facer un estudo que permita crear unha pasarela polas augas do Corviño e que dea a sensación de que a nosa vila ten unha costa para disfrutar, como acontece en diversas localidades do Barbanza.

As propiedades que dan coa beirada do mar son privadas, que cadran coas hortas das casas do Corviño, pola parte do mar. O estudo a realizar tratará de dar ó paseo marítimo derribando algunhas pequenas construccións como poden ser algún capoeiro ou galpón que poida interromper o desenvolvemento do novo proxecto.

• Noticias relacionadas en: Notas de prensa, Novas, Obras e Proxectos

Como xa ben sabedes, a asociación de veciños A Unión é propietaria dunha páxina web onde se mostra diverso contido de interese sobre a nosa vila. Porén, para que a revista que eles mesmo elaboran, teñen xa un enlace de descarga da nova edición do Socaire para todos aqueles veciños e veciñas de Cabo de Cruz que a desexen descargar.

A revista está nun formato case universal, é dicir, PDF e podédela descargar dende a web de http://www.cabodecruz.org para tela nos vosos ordenadores persoais. Dende esta web podedes acceder a un contido que anteriormente só era para socios da entidade, e que agora se quer facer público. A revista ten un contido, pensamos que interesante para todos, no que podedes atopar diversas novas de prensa, escritos, fotos, entrevistas, etc.

Asi que animádevos a descargala e a implicarvos no que acontece na vila de Cabo de Cruz. Se antes era por falla de información, agora é por información de abondo para todos e todas vós.

• Noticias relacionadas en: Cultura, Notas de prensa, Novas

Parece ser que o concello de Boiro ten un problema que non dá amañado, pese á tentativa de poñer máis efectivos nas noites do sábados. Parecía que ía quedando o tema tranquilo ata que neste sábado pasado, a violencia e o vandalismo voltou a residir no núcleo urbán. Semella que a presencia da Garda Civil e mais da Policía Local non foron efectivas ante tales feitos, pois a concentración de xente na movida boirense é tremendamente excesiva. Prevese unha ampliación do plantel da Policía Local para o verán con máis auxiliares, pero témese que estas medidas aínda non sexan suficientes.

Onte, o alcalde Xosé Deira, sinalou que na movida de Boiro «hai problemas, e graves», pero afirma que se levan a cabo tarefas de vixilancia nocturna para tratar de calmar os ánimos na festa da vila boirense.

Tan só unha parella de municipais coidan da movida de Boiro co apoio da Benemérita, pero a falla de entendemento entre o concello e o corpo policial fai isto un chisco máis complicado de levar. A contratación de catro prazas de auxiliar para o verán pode notarse un pouco, pero aínda así quedanse moi curtos á hora de afrontar o problema, sobor de todo ás vacacións dos demáis membros da policía.

As aclaracións por parte do do Xefe da Policía Local de Boiro son inmediatas cando se lle pregunta sobre si vai haber un incremento da vixilancia en épocas de verán: «Non se vai incrementar a presenza policial polas noites». Debido a esta disconformidade entre mandatarios, os sábados seguen sendo un talón de Aquiles para o noso municipio.

En relación cos incidentes desta fin de semana, foron diversos os vehículos perxudicados ademáis dun mozo ferido de gravidade nun ollo causado polas pelexas que tiveron lugar ó longo da noite. Polo momento non hai ningunha detención, xa que tampouco se puxo ningunha denuncia no cuartel da Garda Civil.

Parece ser que os altercados son provocados polos mesmos de sempre, por xente xa habitual neste tipo de trifulcas e son xa coñecidos polas forzas de seguridade. As fontes da información indican que son unha minoría en comparación coas miles de persoas que se dan cita na madrugada de Boiro.

• Noticias relacionadas en: Notas de prensa, Novas

Hoxe sae unha nova da prensa dunha persoa de Cabo de Cruz, neste caso, eu, administrador de CaboDeCruz.Net. Para non andar duplicando a información pola magnitude da noticia, que sería rizar o rizo, cóntovos de qué vai e logo poderedes ver a nova nun enlace.

Pois o tema é que sen xeito nin dereito, comezan a chegarme facturas da empresa Fenosa Gas Natural totalmente abultadas, debidas a unha mala lectura do contador. Pero a pinga que colmou o vaso foi un dos últimos recibos que cifraba a barbaridade de 712 euros. Penso que para pagar iso de luz hai que estar moito tempo nunha vivenda, e cos aparellos eléctricos ó máximo.

Entón eu decidinme a contactar coa empresa, poñer queixas no Ministerio de Industria e facer todo o que estaba nas miñas mans para resolver o seu erro. Pero o detalle era: mandámosche unha factura inflada, se non a pagas, cortámosche a luz. E así seguido, unha tras doutra. Cando chamaba a un número 900 (atención ó cliente de Fenosa Gas Natural), cada empregado dicíame unha cousa distinta, sen darme unha resposta ó problema.

A día de hoxe, vai facer casi un ano disto, e sigo sen solución. Teño nas miñas mans tódolos ases, ou facturas, como ben queirades, pero non teño os meus cartos, os que no seu día esta empresa me roubou e nos está roubando a todos.

Para máis información póñovos un enlace á nova de hoxe que sae no xornal La Voz de Galicia. Pinchade aquí.

E tamén se queredes unha boa opinión do mesmo tema, hai un xornal da bisbarra do Barbanza, que é o Xornal Certo no que podedes ver un artigo escrito por min sobre estes abusos das grandes empresas ós seus clientes. Aquí o tendes.

Pois si, amigos e amigas, en Cabo de Cruz non temos máis ca mirar cara a Iroite, cara a Curota e ver os seus macromuíños de vento que os abastecen de millóns e millóns, namentres nós, aquí abaixo, indefensos ante estas estafas de ladróns e incompetentes. Non quededes parados, actuade, manifestádevos ante estas cousas e poñede a caldo a un grupo de xente que se aproveita de xente coma nós.

E ti, qué opinas ó respecto?

• Noticias relacionadas en: Foto Denuncia, Notas de prensa, Novas

As pesquisas inciais eran facer a obra do novo centro social en tres fases ben distinguidas entre sí, pero agora cambiar as tornas e as dúas últimas fases vanse a rematar á vez.

Fai uns días, o alcade de Boiro, Xosé Deira, explicou que foi a Diputación a que vai a financiar as obras e que decidiu xuntar as dúas últimas fases de execución para darlle remate dunha forma conxunta. Segundo os prazos previstos polas entidades, as obras chegarían a acadar os 900.000 € e van saír a concurso neste vindeiro mes de xuño. Ditos cartos hanse cubrir a través dunha subvención concedida pola Ditupación Provincial.

As derradeiras intervencións consistirán en darlle os últimos retoques á obra tratando de acondicionar o exterior do edificio e rematar o pouco que falta no interior. Isto é o que sería a segunda fase, namentres que a terceira fase sería a dotación do centro do mobiliario correspondente para poder desenvolver as actividades pertinentes.

As dificultades para a posta en marcha desta nova e moi boa iniciativa do concello de Boiro, son as travas que hai para conseguir fondos para rematar xa as obras. O goberno local tivo un grande acerto en Cabo de Cruz dotándonos de algo fundamental para a nosa vila, o segundo núcleo urbán do concello.

Unha das utilidades que se lle dará ó novo Centro Social de Cabo de Cruz, será a de poñer o consultorio médico nas novas instalacións, ademáis de tamén instalar aquí a nova sede da asociación de veciños A Unión.

• Noticias relacionadas en: Notas de prensa, Novas, Obras e Proxectos

Os veciños de Boiro espabiláronse e decidiron crear un minidebate na rede de Facebook para debatir todo sobre as festas de Boiro. O grupo chámase «Por unhas festas de Boiro decentes e como Dios manda«, e ahí todos poden e podemos facer suxerencias, críticas, aportar opinións e todo o que nos pete con respecto ás xa máis ca famosas festas de Boiro.

A idea xurdiulle un día a un home chamado Nacho Tarela onde lle dou por crear este grupo e así veu como cada día a rede ía traendo opinións de todo o mundo para as festas do verán. Ó pé dunhas 370 persoas son as que forman parte deste debate na rede de redes para que unha vez máis, o noso concello traia a máis xente ca nunca.

O tema das orquestas tamén é un fervor neste debate onde hai xente que aboga polas formacións de élite coma a Panorama ou a París de Noia, pero tamén hai quen rexeita que sexan estas orquestas as que traian a xente a Boiro. Pola contra tamén indican que en lugares coma Cabo de Cruz ou Exipto teñan estes macroespectáculos nas súas festas e o núcleo urbán non.

A cousa tamén vai pola rama política onde se opina si na era Alonso eran mellor ou peor as festas, se a Mostra das Culturas serve de algo ou non nos identifica para nada, se agora é bo que se aposte por uns festexos culturais, etc. En fin, son moitos os temas e cuestións que aquí se debaten para as festas de Boiro que son agardadas por todos.

No que respecta ás festas de Cabo de Cruz, pensamos que deberiamos facer algo semellante e que unese á xente da nosa vila, pois non se pode permitir que a comisión estea soa nestas faenas facendo unhas festas para duas mil trescentas e pico persoas que somos. Sería bo que alguén se animase a facer un fío nunha rede social, ou mesmo aquí, si queredes, para que as nosas festas (como ben sabedes todos) sigan sendo as mellores da redonda. Non queda máis ca ver o ano pasado coa Panorama que non collía unha alma no muelle.

Aquí queda a proposta e que non sexan os de fóra os que vaian por diante, senón que saian daquí ideas e propostas para facer de Cabo de Cruz un lugar memorable en tódolos sentidos.

• Noticias relacionadas en: Festas, Notas de prensa, Novas

A xuntaza xa anunciada en diversos medios para as novas eleccións da entidade do Cabo de Cruz, A Unión, foi bastante escasa de persoal, xa que foron ó pé dunhas trinta persoas as que asistiron á asamblea convocada. En dita reunión, o presidente Benigno Sánchez presentou a súa dimisión no cargo e convocou eleccións para o vindeiro día 24 de maio.

Non houbo intención ningunha por parte dos asistentes de coller as rendas da entidade, co cal todo apunta a que non vai haber cambio de papeis na Unión. A directiva actual mostrou o seu rexeite a quedarse, pero tamén afirmaron que de non haber ningún candidato á presidencia, quedarían eles mesmos ó cargo que xa ocupan.

Notouse un mal síntoma nesta asamblea, xa que son moitos os socios da entidade que non asistiron, e os que asistiron, tampouco mostraron interese por darlle un novo rumbo ó barco do Cabo de Cruz. Agardemos que ata o vindeiro día das eleccións se presente alguén ó cargo para que haxa máis competencia e xente disposta a resolver os problemas da nosa vila, os problemas de todos.

Non so foron despedidas este sábado, senón que tamén se presentou unha nova edición da revista O Socaire, por parte da Unión. Neste novo número da revista faise un balance de todo o que fixeron estes dirixentes durante o cargo e tamén se referencian as actividades, problemas e solucións que se fixeron no Cabo de Cruz.

Dende esta web queremos animar a todo o mundo a que se volque máis coa entidade que está a mirar polas cousas que nos afectan a todos e que vaiades ás xuntanzas. E mesmo tamén que vos presentedes ás novas eleccións.

• Noticias relacionadas en: Notas de prensa, Novas, Obras e Proxectos

A comisión de festas do Cabo da Cruz xa comeza a súa nova andaina para as Festas do Carmen 2010. O que sabemos polo obstante é que se achegarán ata o peirao as orquestas Costa Oeste e Philadelphia para o día 15 de xullo e pecharán as festas a Cinema xunto coa Nueva Generación.

Os pasarrúas estarán amenizados polo Grupo de Gaitas Gandaina de Palmeira que xa son frecuentes nas nosas festas polas súas actuacións.

Por outra banda, os membros da comisión de festas agardan que os veciños se volquen totalmente coas mellores festas que temos para que sigan medrando e sexan un éxito, ano tras ano.

Porén tamén informaron de que a partires do día 3 de maio vanse a botar ás rúas para comezar a pedir para estas festas, así que dende CaboDeCruz.Net agardamos a máxima colaboración por parte de todos, para que esta xente teña tamén o seu merecido recoñecemento.

• Noticias relacionadas en: Festas, Festas do Carmen, Notas de prensa

Xa facía algún tempo que non tiñamos novas desta iniciativa crucense: O Socaire. Trátase dunha revista elaborada pola asociación de veciños A Unión para tódolos socios e veciños de Cabo de Cruz. Este rexurdimento débese a que a directiva quer reflexar aquí o seu paso pola entidade indicando diversos temas e actuacións dos dirixentes actuais.

A revista vai a ser entregada ós socios que acudan no día de mañá á asamblea xeral que hai convocada. Nela ides poder atopar tódalas actividades propulsadas pola asociación nestes últimos catro anos de mandato. Poderedes ver os titulares que máis moveron á xente de Cabo de Cruz neste tempo entre outras cousas. Vanse a tratar temas dende a depuradora, o muelle novo, o plan parcial, o médico ata os pasos elevados tan de moda a día de hoxe.

Veredes tamén tódalas xestións que a Unión fixo ante o concello de Boiro, así coma tódalas reclamacións e peticións feitas dende as oficinas da entidade. Haberá retratos dunha morea de veciños nas actividades feitas por mor das Letras Galegas e do Nadal. Tamén veremos as homenaxes ó noso benquerido Club de Remo polo seu percorrido nas distintas regatas ó longo da xeografía española.

Comentar tamén que un dos medios que a Unión está a explotar na rede de redes é a súa páxina web. Unha web que recibe unha morea de visitas por parte dos veciños e veciñas de Cabo de Cruz e onde se tratan e trataron moitos temas de interese para todos. De feito, nesta web xa todos podedes ver un pequeno avance desta revista de O Socaire.

Na xuntanza de mañá, o presidente, Benigno Sánchez presentará o banlance de contas e a súa retirada. Dende mañá vaise a dar un prazo dun par de semanas para que algún veciño ou veciña tome o mandato da entidade, xa que o presidente non vai facer candidatura. Como ben sinalou, «a esencia da Unión está máis viva que nunca», pero se ninguén dá o paso, seguirá el ó frente da Unión.

• Noticias relacionadas en: Cultura, Notas de prensa, Novas

O Ministerio de Traballo é o propietario da Casa do Mar de Cabo de Cruz, co cal xa se está a notar estes días o desaloxo en dito local por parte do Estado. A finalidade deste desaloxo, digamos que provisional é a restauración do edificio na súa totalidade. Podedes ver que xa por fóra ten falla dunha man de pintura, entre outras cousas e tamén dun lavado de cara en xeral.

Tras meses de intensivas xestións para o translado das entidades alí presentes, a asociación de veciños A Unión, veuse obrigada a desaloxar o local, tratando de buscar outra ubicación. Nestes últimos días leváronse a cabo as tarefas de mudanza da entidade veciñal e o translado foi para o local da antiga barbería que hai diante da Praza do Lorcho. O presidente explicou que voltar ó edificio do Club de Xubilados non era viable, xa que é un espazo moi reducido e non xunta as características axeitadas para o desenvolvemento da actividade da Unión.

Unha vez retirada a asociación de veciños, o único que queda no edificio do peirao é a consulta do médico que segundo explicaron dende Sanidade, non hai ningún motivo para clausurar dita consulta e isto pode seguir coa súa actividade diaria.

Fai xa tempo que se tratou o tema do peche da consulta médica de xeito definitivo na Casa do Mar, pero o concello de Boiro opúxose a tal cousa. O alcalde de Boiro, Xosé Deira, sinalou que no novo centro social hai un espazo reservado para instalar alí a consulta médica nunha mellora das condicións. Pola contra, aínda queda tempo para que as obras no edificio rematen, cousa que se preve para finais deste ano.

• Noticias relacionadas en: Notas de prensa, Novas, Obras e Proxectos