O fortes ventos que levan azoutando a nosa vila obrigaron ó Grumir de Boiro a intervir en diversas ocasións para retirar elementos que caeron pola causa do temporal. Tanto en Cabo de Cruz coma no entorno do concello, aconteceron diversos desperfectos que reclamaron a actuación desta entidade.

Xa ás nove e media da mañá, houbo que acudir a Escarabote para retirar un valado dunha obra que se desplomou á conta dos fortes ventos. Un pouco máis tarde, e en colaboración con efectivos da Policía Local, o Grumir tivo que acudir a Espiñeira onde caeu unha árbore que tivo que ser retirada do vial onde os gardas cortaban o tráfico pola causa dos traballos de limpeza, restablecendo así despois a circulación.

Por mor destas alertas de temporal que levamos sufrindo na nosa localidade, os equipos de emerxencias teñen tódolos seus dispositivos desplegados pola zona para atendelas posibles incidencias que puidesen acontecer ó longo do día.

Tamén acudiron á rotonda que dá acceso á vía rápida en Vilariño para facer tarefas de limpeza de restos de peixe que un camión ía desprendendo. Isto como deixaba o pavimento escorregadizo, foi necesaria a intervención destes equipos de emerxencias tan necesarios para o concello e sobor de todo nestes temporais.

• Noticias relacionadas en: Notas de prensa, Novas

Este titular sona coma algo así: «un euro por África«, pero estamos ante dúas cousas totalmente distintas e case que opostas. Isto é en relación a unha nova saída nun xornal o xoves pasado, que dicía: «Párrocos de toda Galicia pidieron a sus feligreses en las misas del fin de semana 10 euros para la visita del Papa«.

A archidiócesis organizou unha colecta para que cada feligrés donase unha cantidade simbólica de dez euros para a visita do Papa a Santiago de Compostela. Cantidade que se podería depositar na mesma igrexa, nas oficinas do Arzobispado, ou ben nunha conta que xa está habilitada nunha caixa galega. Esta cantidade de cartos servirá para arrimala ós tres millóns e pico de euros que custa a visita do líder a Galicia o vindeiro 6 de novembro.

Houbo fieis que mesmo abandonaron a liturxia cando oíron tal petición por parte do párroco, aínda que se di que foron os menos e que houbo xa moitas aportacións por parte do pobo. Engadir tamén que non foron tódolos curas os que pediron esta limosa no medio da misa. As palabras do portavoz da Conferencia Episcopal foron que a visita papal será: «un negocio, espiritual y económico, para las ciudades y para todos«. Para abalar esta colecta, os dirixentes eclesiásticos tamén afirmaron que: «no solo no se va a perder dinero, sino que se va a ganar, porque proporcionará unos retornos económicos difíciles de evaluar porque son altos, altísimos«, ou tamén que: «La visita es mucho más barata que cualquier otra actividad social. No se va a hacer ningún derroche ni ningún despilfarro«, segundo palabras de Martínez Camino.

Ou sexa que as oito horas que o Papa vai votar en Galicia terán un custo duns tres millóns de euros, segundo as afirmacións da Xunta de Galicia. Algo simbólico para todos os galegos e galegas. Tamén cabe destacar o novembro de certos cataláns que teñen de aluguer os balcóns polos que pasará o líder espiritual, por un módico prezo de 2.000 euros, preto da Sagrada Familia.

Sen dúbida, todo un escaparate de negocio e promoción para Galicia e para a cidade do Xacobeo especialmente.

• Noticias relacionadas en: Notas de prensa, Novas

A todos os que desexen LOTERIA DE NADAL:

A Asociación Festas do Carme de Cabo de Cruz xa ten á venta loteria de nadal en participacións de 5 euros co número 34870, se alguen desexa mercar loteria poñanse en contacto con nós polo medio que consideren oportuno, se nós atopan na rúa non dubiden en avisarnos para que lle vendamos as participacións que queiran.

LEMBREN ESTÁ É UNHA DAS FORMAS DE COLABORAR TAMÉN COS FESTAS DO CARME DE CABO DE CRUZ. CONTAMOS CON VOSTEDES.

Un saúdo.

Festas do Carme do Cabo da Cruz.

• Noticias relacionadas en: Notas de prensa, Novas

Parece que os problemas seguen nas noites dos sábados en Boiro, pois isto é algo que non sae nas novas do día, senón que o vou contar visto polos meus propios ollos e os de toda a xente que saíse en Boiro. Achegábanse as 3:00 a.m cando no parking dunha marca de supermercados moi próxima á movida comezaba unha batalla campal entre cativos.Pouco despois acudía a Garda Civil para tratar de controlar o asunto ata que os mozos foron dispersados despois de estar un bo cacho de tempo nunha liorta que semellaba nunca rematar.

Pouco despois, coma ó cabo de media hora, os altercados continuaban en frente dunha discoteca preto da liorta anterior onde dous cativos se ensañaban un co outro. Ó pouco tempo xa eran máis dunha ducia deles os que estaban ó seu redor tentando separar e outros armar o follón. E unha vez máis se vía ás autoridades da Garda Civil tentando identificar a algúns dos provocantes das liortas.

En fin, despois de noites así, as gañas de saír de marcha ó nucleo boirense quedan mermadas por feitos coma estes que aquí se relatan. Pero o máis preocupante se cabe é que de tódolos mozos que se enfurruñaron na movida, non había moitos que superasen os vinte anos de idade e mesmo moitos deles non terían nin os dazaoito.

Pénsase que isto pode ser un problema de educación, de civismo, pois non se pode consentir que a idades tan curtas, a xente ande deste xeito nun día no que a meirande parte da xente sae para tomar unha copa e divertirse amablemente. Pola parte que me toca, pediríalle ás autoridades pertinentes que tomasen medidas para suprimir o botellón nese parking onde cada noite se amorean botellas, vasos escachados, mexeiras, vómitos, etc.

O da movida é un problema que en maior ou menor medida lles afecta a moita xente: os que saímos e queremos disfrutar da movida, ós veciños que viven preto, ós hosteleiros, ós taxistas e a toda a xente que vive dun xeito ou doutro estas trifulcas que nunca levan a nada bo.

• Noticias relacionadas en: Notas de prensa, Novas

Segundo as afirmacións na época estival do patrón maior da Confraría de Cabo de Cruz, o marisco que se sacou de xeito ilegal dos areais boirenses foi de ducias de toneladas. As cifras son alarmantes, pero o problema perdura no tempo malia a chegada da época de choivas e frío.

No verán, as praias estaban vixiadas polo día e pola noite, tanto polo persoal de vixilancia da Confraría coma polos mariscadores de a pé que facían gardas entre os bañistas. Segundo Vidal, patrón maior, foron moitas as neveiras que saíron das praias cheas de marisco para que entre bañistas e furtivos mesturados entre eles fixesen o seu propio agosto.

As pesquisas indican que os ilegais son uns profesionais, xa que veñen equipados con todo tipo de utensilios para a extracción do marisco e tamén para controlar ós vixilantes. A parte disto veñen xa cos propios rastros e tamén coa arte do can, prohibida na súa totalidade dende fai tempo no seo da ría da Arousa.

Carmelo mesmo sinala que se poden chegar a perder nunha noite ó pé duns cinco centos quilos de marisco por culpa de quen acude á praia a faenar sen permiso. Pero isto é algo tan real coma a crise pola que pasa o sector marisqueiro e financieiro polo que o número de ilegais aumentou considerablemente co paso destes últimos anos.

Tamén entre o servizo de GardaCostas e tamén dende a mesma Garda Civil, encárganse de sacar da praia ós máis espelidos e renegados á hora de devolver o marisco ó mar e abandonar o que todos consideramos unha infracción. Segundo fontes da propia Confraría, as labores de vixilancia vanse a incrementar e seguir así no que queda de ano, pois as perdas de marisco repercuten directamente sobre os petos dos traballadores.

• Noticias relacionadas en: Cofradía de Pescadores, Novas

Tamén de cifras se pode falar no caso destes profesionais que en breve, trala teima dun presidente de recortes, van quedar sen choio. Pero que quince persoas vaian ó paro pode ser algo habitual nestes tempos que corren, malia que queden sen un servizo fundamental miles de persoas é bastante nefasto.

Falando de cifras como imos agora, a redacción de CaboDeCruz.Net tivo acceso a un documento onde se contabilizan en máis de 20.000 actuacións do GRUMIR dende o ano 1997, case nada. En dito arquivo estaban detalladas todas e cada unha das intervencións que fixeron estes traballadores en favor de toda a sociedade.

Pero curiosamente, imos contar aquí un servizo no que cidadáns coma o que aquí escribe, puido aforrar uns trinta e pico euros. Este é o traballo de cerralleiro. A cantos non nos quedou un día unha chave por dentro? En ocasións a casa está accesible por fiestras e demais, pero saben vostedes canto custa de media un traballo de 30 segundos dun cerralleiro calquera? Si, señores, de 50 euros para arriba. Pois esta xente, por 20 € abre portas; portas que agora o goberno da Xunta lles está pechando a cal e canto.

Servizos, tamén coma a busca de persoas, que claro, nunca un sabe o que é ata que lle toca. Pero cuantificando datos, no tempo que leva este servizo en pe, contamos con máis dun cento de buscas de persoas nas que só se perdeu un mozo que lamentablemente apreceu morto. Co cal, parece que efectivos si que son.

Se cadra, a lectura deste texto fai entender que esta web ten algo en contra dunha cor política, pero neste caso a dignidade das persoas e o sentido común debe primar por enriba de todo e de todos. Xa que o outro día, falando cun membro deste grupo, contaba que había moita xente que lle agradecía o seu traballo e que lamentaban que os suprimisen agora de golpe. Testemuñas de xente que foi favorecida enormemente e que mesmo algúns chegaron a salvar as súas vidas.

Por iso, pedímoslle ós señores mandatarios que abran os ollos, que se deixen de tanta dieta e tanto coche oficial e que conserven algo que realmente fai falla, e que como está demostrado funciona. Dende esta entidade apoiamos directamente a esta xente e animámolos a que se manifesten, que recollan sinaturas, que os documentos cheguen ós medios para que todos teñamos conta do que nos queren quitar.

Pois cando todo isto desapareza, van ser moitos os que nos laiemos cando nos arda o monte e non pare de arder ate chegar ó mar, cando teñamos un accidente no que non teñan que intervir os bombeiros, cando nos caian pólas dos pinos no tellado, cando nos quede unha chave por dentro, cando haxa que facer un rescate nunha praia, etc, etc, etc.

• Noticias relacionadas en: Notas de prensa, Novas

«El presidente evitó pararse a hablar con los profesionales de Boiro y Ribeira que le esperaban en el monte«. Con estas verbas comeza a nova nun xornal galego. Por iso, ante a chamada de atención deste titular queremos resaltar algo do acontecido, segundo a prensa escrita.

Os integrantes do GRUMIR de Boiro e Ribeira achegáronse onte ó monte de Boiro aproveitando a visita do presidente da Xunta, para reclamarlles a súa continuidade nos seus postos de traballo. Pero ante a reivindicación destes traballadores, o presidente pasou de longo evitando entrevistarse con algún dos representantes deste colectivo, evitando así dar algún tipo de explicación da súa eliminación nos concellos.

De feito, había varios membros da Policía Nacional que velaban pola «seguridade» do noso presidente, ante tal cousa. Sen embargo, para os axentes foi unha mañán de moi pouco traballo, dada a educación e saber estar dos traballadores ante a chegada do responsable dos seus traballos. De feito, dende o efectivo do GRUMIR de Boiro sinalaron que: «non foi unha protesta, nin berramos nin puxemos ningún tipo de pancarta alusiva a ninguén. Do que se trata era de que nos vexan e de que recoñezan a nosa labor».

Estes traballadores quéixanse da súa falla de recoñecemento polas labores feitas ate o de agora, nun acto ó que non foron convidados, pero que era clave para que o principal responsable do asunto lles dese un motivo da súa vindeira desaparición.

Os efectivos non só falaban das súas intervencións en incendios, senón en accidentes de tráfico, na busca de persoas ou animais, rescates en todo tipo de situacións, actuacións en diversos temporais non moi lonxanos no tempo, etc. Por iso mesmo, recalcaban que: «Só pedimos que miren as nosas intervencións e que logo decidan se debemos continuar ou non».

A orixe destas queixas está nun papel que establece que este servizo sexa dado de baixa en concellos onde existe un parque de bombeiros. Pola contra, os profesionais defenden que o seu rango de actividades de traballo é complementario ó traballo dos bombeiros e que hai moitos choios que os bombeiros non os fan porque non os teñen asignados nos seus contratos de traballo. «En Ribeira, hai Policía Local, Nacional, Xudicial e incluso portuaria, e cada un ten a súa parcela de actividade e cando é necesario traballan conxuntamente», adiantaba un dos efectivos.

Ante tal situación, o concello de Boiro e o de Ribeira van quedar nunha situación de desamparo ante esta cantidade de servizos que a ver cómo as inxenian os dirixentes para suplir un tan prezado traballo.

• Noticias relacionadas en: Notas de prensa, Novas

Parece cousa de Iker Jiménez, pero non, en Cabo de Cruz tamén se detectan casos de Chemtrails. E qué é isto? Pois como eu non teño moita madeira de comunicador, quén mellor có home do misterio da pantalla estatal. Aquí tendes unha explicación do que pode ser este femómeno que aconteceu na nosa vila:

Como podedes obervar pode ser algún tipo de control sobre o clima, disolución de nubes, provocación de choivas, expansión de enfermidades, etc. Son moitas as atribucións que se lles fan a este tipo de fenómeno, pero sempre quedaremos coa dúbida aquí, enriba de nós, no ceo de Cabo de Cruz. E para qué contar isto se non temos probas gráficas? Pois aquí tendes:

Estes retratos foron tomados como podedes ver na carretera que une Boiro con Cabo de Cruz, á altura de Xión chegando a Cariño, e os outros foron tomados na recta da Silvosa que une a Fonte de Mouro co Chazo. O día foi o 10 de setembro de 2010 de cara ó mediodía. E como podedes observar, isto non pasa só en Castela León como indica Iker, senón que tamén pasa moi preto de nós, nada máis e nada menos ca por enriba das nosas cacholas.

Qué é isto? Todo un misterio para a reflexión dos crucenses. Aquí queda.

• Noticias relacionadas en: Curiosidades, Novas

A informática dá para aprender moitas cousas e tamén para facer amigos. Por iso, nun día de reparación e axuda a uns amigos do seu ordenador vin unhas fotos preciosas sobre a nosa vila. A pregunta foi inmediata: Impórtavos se aparecen en CaboDeCruz.Net? Ante a súa positividade, decidinme a subilas para mostrárvolas a todos e todas.

Algúns xa o notaríades, que levan uns días subidas, pois foi un esquecemento de non mostrarvos antes este artigo para que todos vos enterasedes antes e as puidesedes ver. E como máis vale tarde ca nunca, aquí tendes todos na nosa sección de fotos, as fotos cedidas por estes amigos… Aquí as tendes!

• Noticias relacionadas en: Novas

Dende fai xa tempo, leva trantándose nesta web e no entorno da vila de Cabo de Cruz o tema do novo muelle que se está a construir, así como tamén o muelle náutico e outras obras que se van a acometer no peirao da nosa vila. Pero basta con botar unha ollada atrás para ver o que temos agora. Vouvos mostrar unha imaxe que a día de oxe se cadra pódese ver tamén. Aquí a tendes:

Isto é o que se pode ver actualmente no muelle: un punto de recollida de aceites usados que ten absolutamente todo tipo de lixo. E a culpa de quén é? Pois non imos a tratar de buscar a ningún culpable, pero sabemos que os señores de Portos de Galicia teñen algo que ver con esta recollida de ¿aceites? Tamén cabe destacar a responsabilidade da xente do mar que bota todo este lixo nun sitio onde non se debe. E logo queremos un novo porto. E eu pregúntome, para qué? Para xerar máis lixo e dar unha imaxe noxenta da nosa vila?

E que ninguén ve o que está pasando coas nosas infraestructuras? Penso que é momento de sentarse e reflexionar a ver o que se quere e o que realmente fai falla. Logo tamén hai que mirar polo mantemento das  instalacións, xa que como vedes aquí é obsoleto.

Xa metidos máis ó muelle vello, temos tamén algunha que outra imaxe que non me gustaría sacar nunca, pero é a crúa realidade de Cabo de Cruz:

Aquí temos unha embarcación totalmente abandonada, pero a pregunta é directa: De quén é esta gamela? O seu dono non sabe que está emporcando o muelle? Non habería que tomar algún tipo de medida con este propietario? Non habería que sacala dahí canto antes?

E iso sen contar o líquido ese de cor branca que se parece que sae de debaixo da chalupa. Isto que é, un iogur derretido? Non parece, xa que como estades a ver é unha situación de auténtico noxo que temos neste muelle de Cabo de Cruz. E agora agardamos que tomen medidas, que busquen responsabilidades e que se apliquen as normas e leis que corresponden a cada caso.

É hora de facer acto de conciencia e preguntarnos qué estamos facendo coas instalacións portuarias, qué imaxe estamos dando e qué imaxe queremos dar, xa que o que acontece a día de hoxe fai que dende fóra nos vexan coma uns descoidados en canto ó noso peirao. Reflexionen.

• Noticias relacionadas en: Foto Denuncia, Novas