Os veciños do Cabo da Cruz contrarios á instalación dos pasos elevados seguen cos preparativos para a manifestación do vindeiro sábado en contra dos badéns. A pesares das actuacións propostas polo colectivo veciñal, tamén existen argumentos baseados na normativa vixente que indican que estes pasos non se axustan ó tipo de vía no que se instalaron.

Sinalan que a velocidade máxima da carretera é de 50 km/h, pero salvo en dous badéns, no resto as condicións obrigan a reducir a velocidade ata 30 km/h ou menos. Daquí que os vehículos pesados que transitan pola estrada, vense obrigados a parar totalmente para saltar dito obstáculo. Porén, os veciños afectados afirman que se trata dunha estrada pertencente á Diputación da Coruña cun tráfico elevdo e non dunha zona residencial.

Dende o goberno do concello de Boiro insistiron que xa se baixou o número de badéns establecidos no proxecto orixinal, así como se viron reducidas as alturas dos mesmos para que os vehículos non teñan que deterse totalmente para poder pasar. Pola contra o colectivo veciñal advirte que o problema está nas rampas de acceso ós pasos e non na súa altura.

Salvo os dous badéns máis pequenos (o dos semáforos e o da rotonda de Barraña), os demais contan cunhas rampas dun metro de lonxitude. Segundo os afectados, namentres que a normativa do Ministerio de Fomento establece que esa lonxitude é para viales de 30 km/h. Namentres que os viais nos que se pode circular a 50 km/h, as rampas dos pasos elevados deben ter unha lonxitude de 2,5 metros.

Os manifestantes sinalan como punto final que o goberno local non só incumpre a normativa, senón que tamén falla na súa palabra, pois recalcan que fixeron un esforzo para amañar as cousas pola vía do diálogo, pero isto foi imposible, co cal hai que botarse á rúa.

• Noticias relacionadas en: Notas de prensa, Novas, Obras e Proxectos

Bueno como vemos, o tema dos badéns é bastante delicado entre a xente do Cabo da Cruz e vémolo con diversas opinións entre a comunidade de usuarios e visitantes de CaboDeCruz.Net. Alégranos que a xente deixe a súa opinión e que lles guste a web como nos dixeron algúns visitantes. Porén, para a miña sorpresa, esta semana os minibadéns que había antes, os que eran de plástico duro (ben sexa goma, caucho, etc.) pois xa non estaban nas nosas carreteras.

Daquela quixera tamén informarvos do que está a acontecer nas estradas. Isto nótase en dous sitios: en frente ó ambulatorio do Saltiño e tamén en frente de onde era a antiga oficina de emprego, en Praia Xardín. Porén, os que estades en contra de ditos badéns, este é un motivo a favor a ter en conta aínda que haxa os grandes de adoquíns. Pero bueno, Roma non se fixo en dous días. E para os que queredes badéns, estade tranquilos que aínda queda algún que outro sen facer como pode ser en Xión.

Vemos tamén que se fala de moitas cousas positivas (depende para quen) para o Cabo da Cruz, como pode ser a instalación dun carril bici que una Boiro co Cabo da Cruz e Carragueiros como ben dixo o amigo Pablo Chouza. Son pequenas cousas que dotarían ó Cabo de melloras pequenas, pero que lle darían outra imaxe á nosa vila.

Sen esquecer tamén o tema da accesibilidade para xente coma Mary Hermo, unha crucense que desgraciadamente está en cadeira de rodas, pero que sempre ten un intre para achegarse á web e deixarnos a súa opinión. Así que o goberno que tome nota destas pequenas cousas que farían do Cabo un lugar un pouco mellor.

Pois como é dito aquí queda esta nova da supresión dos pequenos badéns. Pero quixera tamén puntualizar unha pequena pincelada, e non me chamedes tiquismiquis. Se houbese por ahí un puñado de asfalto para botar no sitio que estaban estes badéns, pois millor, porque ó estar algo enterrados no asfalto, o que antes era badén, agora é bache. Pero bueno, eu non me quero meter nestes temas, porén o deixo para os foreiros.

No obstante, o maior desexo e beneficio para os crucenses e para a nosa vila é que tanto concello coma a meirande parte dos veciños cheguemos todos a un acordo ou punto en común, tanto para badéns coma para calquera outro tema. Agradecer tamén a todos os que nos dades voz por ahí como poden ser os amigos do Xornal Certo, que coas súas publicacións fan que moita xente nos coñeza.

• Noticias relacionadas en: Novas, Obras e Proxectos

Bueno, bueno, bueno, xa vexo que o tema dos badéns é un tema delicado no Cabo da Cruz, pois nunca un tema dera tanto de sí, polo menos nesta web. Vin as diversas opinións da xente desta web: Porrón, Terra Barbança, Alber, Certo, etc. E agora vou a propoñer eu a solución a todo isto. Trátase dun radar de última xeración co máis sofisticado sistema de mobilidade. Pode coller tanto ós coches que veñen coma ós que van, non hai quen se poida librar desta máquina. Sen máis, déixovos co video:

Tamén agradecerlle a José Antonio Cortizas Vázquez, de Mugardos, que nos informou da existencia deste simpático video que podedes ver.

Agardo que con isto, o concello saiba de que existe este sistema máis barato e moi eficaz que de seguro vai frear ós coches pero de golpe. Poderíase poñer no medio dun radar destes un real para que a xente se deteña en todos. Isto supón unha solución e a creación de novos postos de traballo.

• Noticias relacionadas en: Curiosidades, Novas, Obras e Proxectos

Como nesta web non queremos que isto teña só unha cara da moeda, os amigos do Xornal Certo na súa nova, déronnos permiso para acceder a esta información que se vos mostra. Agardo comprensión por parte de todos, xa que aquí todos temos cabida: concello, veciños, entidades, etc. Animo tamén ó persoal do concello a que contacte con nós para poñer aquí a información que queiran. Así teremos aquí un punto de encontro para todos. Aquí queda:

O Consello Local do BNG de Boiro respalda as actuacións realizadas polo goberno municipal para a mellora da seguridade e da accesibilidade dos viais.

Sen ánimo de entrar en discusións estériles desde o BNG consideramos que as medidas adoptadas polo goberno de Boiro, consistentes na elevación dos pasos de peóns nas proximidades das poboacións, contribuirán á mellora da seguridade tanto de viandantes como de condutores despois de que se teña constatado en máis dunha ocasión a excesiva velocidade pola que se circula nalgúns tramos do noso viario, coa conseguinte perigosidade para nenos, anciáns e habitantes da nosa vila.

Ninguén dubida que, cos novos pasos elevados, a velocidade de circulación dos vehículos reducirase, os pasos de peóns serán máis visíbeis e seguros e, ao mesmo tempo, facilitarase a accesibilidade das persoas maiores e dos diminuídos no habitual desenvolvemento das súas vidas. Os pasos de peóns serven de medida disuasoria e preventiva, tanto para condutores imprudentes como para posíbeis distraccións ao volante.

Finalmente, trátase dunha medida probada en países europeus, así como en moitos concellos próximos como Vilagarcía, Cambados, Pontevedra, a Illa de Arousa, a Estrada, o Carballiño, etc., nos que se demostrou que esta actuacion é efectiva, ademais de non ser recadatoria. Despois dun accidente non vale de nada por multas, xa fose por imprudencia ou por exceso de velocidade, senón que é mellor previr e evitar así atropelos. Sabemos que é unha medida que afecta a todos incluso ás persoas que circulan civilizadamente, pero se así somos capaces de salvar unha soa vítima vale a pena.

Desde o BNG estamos seguros de que esta obra será ben acollida co tempo tanto no Cabo da Cruz como no resto los lugares nos que se colocaron, e que contan co beneplácito da cidadanía.

• Noticias relacionadas en: Notas de prensa, Novas, Obras e Proxectos

Ó pé dunhas cincuenta persoas déronse cita no día de onte na agurapación de mexilloeiros do Cabo da Cruz. Entre elas eran persoas de diversas entidades e colectivos, a parte de persoas a título individual. Hai previsto facer unhas movilizacións en contra dos pasos elevados que afectan a todo o Cabo da Cruz, para que o goberno local se dea conta do atraso que isto conleva para o desenvolvemento da nosa parroquia. Xa que a vía do diálogo quedou esgotada, hai que pasar á acción con actuacións máis contundentes sobre a cidadanía e tamén sobre o goberno local.

Na reunión houbo palabras coma «engano» por parte do goberno local de cara a algúns dos presentes. Este engano vén dado da man do edil de Urbanismo, Xoán León, co que parecía que se chegara a un acordo inexistente pola súa parte e a un engano pola parte dos alí presentes. Fai poucos días que na zona do Quilómetro, en Fontenla, comezou a instalación dun novo paso elevado, polo que se rompe totalmente o acordo por parte do edil, xa que co paso da Fonte de Cariño, dábase por concluído o proxecto.

Na asamblea sinalaron que mañá ás oito da tarde terá lugar unha nova xunta na agrupación para concretar de chegar a facer unha actuación polo engano e o retraso que esta obra lle trae á nosa vila. A parte das mobilizacións tamén están en mente outro tipo de accións que de momento quedan aparcadas pola posible escoita do concello ante o Cabo da Cruz.

Ó parecer, a negativa das entidades locais, da meirande parte dos empresarios da zona, e das máis de mil firmas recollidas a título individual pola xente do Cabo da Cruz, semella que non serven de nada para que aquí cada un que faga o que lle peta coa dignidade dun pobo.

Tamén parece que o noso concelleiro de Urbanismo non reflexionou sobre o asunto. A calquera persoa que lle dea dor (mesmo un infarto) no Cabo da Cruz, agora vai a ter que agardar o dobre polos servizos sanitarios, xa que unha ambulancia vai ter que parar cada medio quilómetro por esta teima dos badéns. Mesmo que unha casa estea ardendo, os bombeiros non están dacordo en andar a saltos co seu camión para chegar ó Cabo da Cruz. Estas medidas non son as axeitadas para facer medrar a unha vila cun potencial coma a nosa. Reflexionen.

A pregunta tamén pode ser: ¿Qué pinta un medio badén nos semáforos de entrada a Boiro? E se pinta algo, ¿por qué só está no semáforo que vai ó Cabo da Cruz? Se cadra deberían de comezar a dar explicacións sobre o que están facendo.

Os veciños, e tamén a Unión, están fartos de pedir que se asfalten as estradas, que se tapen os baches e se adecenten as vías de circulación, que non se poñan trabas á hora de chegar a un punto en concreto. Poden comezar por asfaltar a Aldea de Arriba, que dende que a abriron e prometeron que lle ían dar unha man de asfalto xa podíamos agardar. Sen ir máis lonxe, a entrada á praia de Carregueiros no cruce da Carretera Nova, alí podedes ver unha man de graba e pedras no chan no medio de baches. Seguimos?

Señoras e señores, tan só lles pido reflexión sobre os seus actos e explicacións coherentes. Pensen unha cousa, rectificar é de sabios, e dicir: «Perdoade, equivocámonos», sería o que deberían de facer, pois todos somos humanos e cometemos erros.

• Noticias relacionadas en: Notas de prensa, Novas, Obras e Proxectos

Como ben xa se anunciou neste medio de comunicación, agora chegan os feitos ós nosos ollos a partires do vindeiro día 22 de Febreiro do 2010, que será cando se destapen os sinais que van por algunhas das nosas rúas en sentido único para favorecer así o tránsito de vehículos.

Unha vez máis, o noso concello a través da asociación de veciños A Unión e mais das reclamacións dos veciños, fainos sabedores dunha nova que a vila estaba agardando dende fai máis de catro anos. Unha vez máis, o executivo boirense, cumpre.

Será a partir de mañá luns cando a reordenación do tráfico no Cabo da Cruz será xa unha realidade máis. Dende esta web queremos agradecer tamén todo o esforzo feito pola Unión e tamén polo concello de Boiro, que foron os que botaron leña ó lume para que estas cousas chegasen a bo fin.

E como non podería ser doutro xeito, a nosa fonte de información desta noticia, foron os amigos do Xornal Certo que contactaron con nós para comentarnos esta nova e poñernos ó tanto do que acontece na nosa vila. Evidentemente, na vila pasarán moitas máis cousas, pero ó non ter un equipo de reporteiros ou a ninguén que nos conte as cousas, pois sempre é de agradecer a este tipo de medios de comunicación que nos manteñan tamén un pouco na onda xornalística.

• Noticias relacionadas en: Notas de prensa, Novas, Obras e Proxectos

Sorprendentemente, estes días estivemos mantendo contacto cunha persoa. O seu nome é Santiago Páramo, o promotor dunha web moi interesante sobre o traballo na nosa comarca: UPD pacto Territorial de Emprego do Barbanza onde podedes atopar todo o referente a ofertas de traballo na nosa comarca do Barbanza e tamén de Noia. Mesmo para a xente do Cabo da Cruz que se quedase sen traballo estes días, é un punto máis a ter en conta para atopar en emprego.

Cabe tamén comentarvos que esta web en tres meses que leva en internet xa recibiu máis de 16.000 visitas, algo normal pola súa información valiosa nestes tempos de vacas fracas.

O seu contido é infinitamente valioso xa que son quen de xuntar organismos, documentos, concellos e mesmo asociacións de empresarios. Entidades coma CIGA, UXT, CC.OO, Consellería de Traballo e Benestar, Xunta de Galicia, concello de Boiro, boletíns oficiais tanto a nivel galego (DOGA) coma español (BOE), Asociación de empresarios de Boiro, etc… Aquí podedes perdervos con tódalas posibilidades que vos ofrecen.

Indicar tamén que é unha web cun dinamismo importante, pois as actualizacións están á orde do día coas ofertas de traballo máis importantes en tódolos sectores e de tódalas actividades de emprego da nosa comarca do Barbanza. E ti, sexas do Cabo da Cruz, de Boiro, ou de onde sexas, que saibas que aquí tes unha fonte de información a ter en conta.

Dende CaboDeCruz.Net agardamos que o traballo desta xente sirva sempre para mellorar as cousas entre todos nós, e queremos tamén agradecerlle a Santiago Páramo a súa posta en contacto con nós para poder comunicarvos este tipo de información.

• Noticias relacionadas en: Novas, Obras e Proxectos

Falando xa deste tema da nova autovía, e botando unha ollada ó pasado mes de decembro, cabe destacar unha mellora moi agardada por moita xente: a velocidade da nova autovía a 120 km/h. Foi un membro do novo goberno da Xunta de Galicia o que deu a voz á alza para comunicarnos desta nova mellora. Foi Manolo Ruíz, un home que foi conselleiro no goberno de Ribeira de Torres Colomer, e agora membro do Parlamento galego, o que nos dixo e promoveu esta nova.

Foi no mes de decembro cando este home se apresurou a dicir que antes de rematar o ano a nova autovía estaría cunha velocidade superior. Retrasouse un pouco, certo é, pero a verdade é que aínda así cumpriu co prometido (non sempre é así na política) e fixo algo que o anterior goberno non viu, ou mesmo non soubo facer. Agardamos que esta autovía teña os coidados necesarios, as melloras que sexan oportunas e un mantemento correcto, pois é o medio que moitos crucenses empregamos día a día ou semana a semana.

Por exemplo, nun traxecto Cabo de Cruz – Coruña, leva ó pé dunha hora (autopista Padrón – Coruña) e quince minutos (Cabo de Cruz – Padrón), indo sempre a unha velocidade limitada, respetando a sinalización e parando nas peaxes da AP-9. Isto frente á case hora e media que duraba antes coa anterior vía rápida, ou frente á hora e corenta e cinco minutos cando tan só estaba habilitada a carretera vella.

Vemos que unha vía de comunicación boa é un símbolo de prosperidade para toda unha comarca e para a súa xente. É algo fundamental para o desenvolvemento dunha vila coma o Cabo da Cruz. Preguntádelle ós vosos pais e avós canto levaba antes chegar a Santiago de Compostela, por non dicir outros lugares. Pero isto ten que seguir así, ten que perdurar na mente dos nosos políticos e de todos nós para ir sempre cara adiante.

• Noticias relacionadas en: Novas, Obras e Proxectos

Ó comezo desta obra todos viamos nela algo cheo de melloras e de prosperidade para o Barbanza e tamén para o Cabo da Cruz, pero cando as cousas van rematando, dámonos conta de que nos venderon unha cortina de fume tras da cal se agocha un proxecto con moitas deficiencias, pero sen quitarlle tampouco as súas cousas boas.

Fai xa máis dun ano que a nova autovía está en funcionamento, e tamén xa fai máis dun ano que os concellos do Barbanza, especialmente o concello de Boiro, levan queixándose desta obra que nos deixou algúns estragos ó seu paso polo noso concello. Pese a que xa fai máis dun ano do asunto, o concello ten aínda moi presente todo o traballo pendente, responsabilidade directa da empresa Sacyr (a que fixo a autovía).

Na zona de Lampón, moita xente que baixa a Boiro ten que facer longos desprazamentos ata chegar ás súas casas, xa que moitos accesos están totalmente impracticables polas obras. Outra cuestión pendente tamén de Sacyr é adecentar a carretera que une Vilariño con Boiro, xa que isto quedou sen aceras completamente e é frecuente ver á xente que se quer acercar a Boiro, pola beira da estrada sen nada que os ampare.

Outro tema tamén delicado é o dos accesos ó polígono industrial de Espiñeira. Obxeto moi criticado polos numerosos empresarios que teñen alí o seu recinto, xa que o estado do pavimento en ditos accesos é de pena polo paso dos camións, e dende aquela nada se fixo para mellorar as obras.

É lamentable que unha empresa coma Sacyr non se responsabilice destas cousas, xa que o que non se pode permitir nun estado democrático é que estas empresas campen ás súas anchas por enrriba e por debaixo das leis que amparan ós máis pequenos.

Pero nin que dicir ten a presentación dunha obra que ía ser unha revolución industrial e que ficou nun proxecto escaso e carente de melloras para a nosa bisbarra. Lembramos tamén ós veciños da Pobra do Caramiñal como se queixaban da nula canalización das augas que lles desbordaban as leiras. Lembramos tamén todos a rotonda do barco de Ribeira á saída da autovía como había protestas de cara a Sacyr pola súa falta de responsabilidade, e coma esto lembramos outras moitas cousas máis.

Tamén cabe dicir que nos deixaron unha autovía cun asfalto totalmente anegado en tempos de choivas, tamén nos deixaron unha autovía da que non se modificou axeitadamente o trazado con respecto á anterior vía rápida, xa que hai tramos con curvas igualmente de perigosas ca antes, por non dicir que tan só sacaron seis curvas en 25 km. Tamén nos deixaron unha autovía a 100 km/h, cando nun proxecto novo que se supón que ían optimizar gastando unha porrada de cartos se deberían de facer as cousas o mellor posible… En fin, que esta empresa con este proxecto era mellor que llo deixara a outros máis competentes na materia, e a outros dos que os nosos concellos non tivesen que andar agora detrás para amañar o que eles mesmos desfixeron.

• Noticias relacionadas en: Foto Denuncia, Novas, Obras e Proxectos

Frente á postura inflexible do concello de Boiro sobre a colocación dos pasos elevados no vial que une Boiro co Cabo da Cruz, as diferentes entidades entre outros moitos veciños, planean unha mobilización para facerlle ver ó concello a súa postura totalmente contraria á colocación dalgúns dos pasos elevados que se están construíndo e dos que aínda quedan por construir.

O conselleiro de urbanismo Xoán León sinalou que a proposta que recibiu por parte dos empresarios foi que se paralizasen as obras dos pasos en execución e que se paralizase o proxecto xa. O edil, pese ás posturas opostas dos empresarios, da Unión e dos centos de firmas recolleitas polos veciños do Cabo da Cruz, vai a seguir coa súa proposta de finalizar a obra construíndo outros tres badéns máis. Estes novos pasos estarán en Xión, Cariño e no Quilómetro (recta de Fontenla) coincidindo así coas marquesinas das paradas do autobús.

León explicou tamén a súa postura frente ás distintas posturas sobre este tema e afirmou que o tema desta obra é garantir a seguridade e a accesibilidade da vía, e por iso mesmo se vai a continuar coa obra ata o final.

O presidente da ABE (Asociación Boirense de Empresarios), Carlos Rodríguez Muñiz, afirmou que tódolos colectivos contrarios á execución destas obras manterán unha reunión para decidir os medios a seguir trala postura do concello. Tamén afirma que unha vez esgotadas tódalas vías de diálogo, o seguinte paso a dar son as mobilizacións.

Os empresarios tamén afirman que existen outros métodos para garantir asi mesmo a seguridade da vía e tamén os accesos que sexan menos perxudiciais para tódolos colectivos e veciños.

• Noticias relacionadas en: Notas de prensa, Novas, Obras e Proxectos