Benvidos á nova sección de FotoDenuncia da web. Isto é unha novidade para este sitio, xa que agora teredes cada un de vós a posibilidade de quixarvos ante calquera inxustiza. Estas queixas agárdase que nun futuro sexan remitidas ó concello para que a partir desta web o pobo de Cabo teña voz e voto.

Será moi doado establecer unha queixa, e para iso vou poñer unhas pautas a realizar:

1. Redactar nun pequeno texto a inxustiza da que queredes facer constancia dando datos concretos e obxetivos sobre a denuncia.

2. Adxuntar unha foto que mostre a veracidade do que queredes mostrar (unha imaxe vale máis ca mil palabras).

3. Con todo isto mandádesme un e-mail a anklaxter@hotmail.com onde recibirei a queixa, e logo paso a colgala na web. No asunto do correo electrónico poñede: QueixaCabo, xa que se cadra pode ser que desvote algún correo por descoñecemento do remitente.

Dicir tamén que isto debe facerse sen faltar ó respecto a ninguén, e con absoluta obxetividade. As cousas ben feitas son as que perduran no tempo, e lembrade: con educación e respecto chégase á fin do mundo.

Ánimo!! A escribir…