Clube de Remo de Cabo de Cruz

O escadrón de Cabo de Cruz saldouse cunha medalla de bronce en augas de Cangas do Morrazo pola bandeira deste fermoso concello. Ata alí chegaron un total de dazasete embarcacións que están inscritas na liga autonómica para disputar a dita regata. O S.D. Samertolameu foi o que se levou a competición para o seu feudo nunha regata un tanto máis ca disputada.

Entre as traíñas do Barbanza a que mellor resultado obtivo foi a de Cabo de Cruz que segue dándonos bos resultados e alegrías á nosa vila. Para o resto de embarcacións a clasificación foi: Samertolameu, Amegrove, Cabo de Cruz, Chapela, Náutico de Vigo e Mecos. Así foi como quedaron nesta Bandeira da Liga Galega de Traíñas.

Agardamos que para os seguintes encontros os nosos campions sigan igual ahí sempre no podium e colleitando victorias importantes como levan feito ate o de agora. E como é merecido: Ánimo Campións!

Cun par de bronces, o Club de Remo de Cabo de Cruz acadou veuse do Campionato de Galicia de Trainerillas que tivo lugar esta fin de semana en Meira. Para a vindeira fin de semana, dúas embarcacións crucenses estarán en augas de Vilaxoán na cita autonómica.

As valoracións de Mario Vidal, presidente do Club de Remo, foron relacionadas coa menor das trainerillas: «Non digo que fósemos capaces de poder con Robaleira. Pero coido que temos equipo para andar máis cerca. Sacounos 12 segundos, unha enorme distancia, e cedemos tres segundos diante de Vilaxoán, que chegou segundo». Pero as valoracións en categorías meirandes foron boas por parte do presidente: «porque todo foi moi axustado. Estivemos máis cerca de Tirán, que era o gran favorito, do que incluso agardábamos. Ao longo de case toda a regata mantívose a igualdade e só nos metros finais do último logo se decantou a proba», sinalou Mario.

Con respecto ó Campionato de España, Vidal afirmou que o obxetivo «é meterse nas finais do domingo. E teremos que loitar moi duro para acadalo, porque na categoría absoluta veñen clubs tan potentes como Castro, Astillero, Pedreña e Kaiku, con Corta ao mando. En xuvenís, defendemos o título e teremos que facer un esforzo máis grande, para non quedar tan atrás dos rivais».

Entre o segundo e o cuarto chegou a embarcación do Cabo da Cruz nesta úlitma regata antes de comezar a andaina do mes de xuño. Foi nas augas da ría da Arousa que bañan o concello do Grove onde os nosos fixeron unha boa tanda cuns piques entre os escadróns de Chapela e Meira. A cabeza da regata estivo marcada polos reiros de Amegrove, seguida de Tirán e dos crucenses. Aquí tedes a clasificación cos tempos marcados:

Clasificación: 1º. Amegrove (21.10.20), 2º. Tirán (21:22.28), 3º. Cabo da Cruz (21:31.11), 4º. Chapela (21:35.45),  5º. Samertolameu de Meira (21:37.22), 6º. Náutico de Vigo (21:40.24), 7º. Vilaxoán (22:06.95), 8º. Mecos A (22:08.31), 9º. Ares (22:36.63), 10º. Coruxo (22:38.08), 11º. Esteirana (22:46.12), 12º. Robaleira (22:50.29), 13º. Vila de Cangas (23:05.86), 14º. Mecos B (23:20.58), 15º. Cesantes (24:23.17).

Non está nada mal quedar nun merecido terceiro posto contando que eran quince clubs os que se disputaban esta crono anterior á competición. Coma sempre os crucenses dando golpes de autoridade enriba da mesa e deixando o seu listón onde debe estar: entre os mellores.

Dará comezo a Liga Galega en terras do concello de Ares o día 13 de xuño e onde as formacións de remeiros galegos deben estar ó 100% para acadala máxima  puntuación nun título que sempre anima a seguir gañando galóns aló no estranxeiro. Esta liga traerá xente de fóra ó Cabo da Cruz, pero tamén a nosa embarcación terá que coller o remolque ata terras de Esteiro, Rianxo, A Pobra do Caramiñal e mesmo a ría de Muros e Noia.

Logo para o vindeiro mes de xullo, aló polo día 7, está previsto que dea comezo o Eusko Tren que levará ás formacións de Vizcaya, Cantabria, Galicia e Guipúzcoa. Da formación galega, como xa é frecuente, irán remeiras do Club de Remo do Cabo da Cruz ainda que non serán tantas coma o ano pasado, xa que o traballo de cada un é o primeiro.

Sería un aliciente moi importante que os nosos remeiros, profesionais da élite do remo, puidesen vivir directamente deste deporte como acontece noutras comunidades. Tamén sería bo que o clube crucense tivese máis apoios para ter fondos e poder remar en tódalas competicións posibles, pero iso xa queda en mans de quen move os fíos nestes lares.

Unha vez máis, os nosos remeiros do Cabo da Cruz voltan a darnos unha de alegrías coas tres victorias colleitadas nas augas de Noia, concretamente na praia de Testal. A liguiña de bateis entre os distintos clubs foi toda unha proba de rendemento para os escadróns que serviu para probar así os resultados dos duros entrenamentos desta xente. Foi toda unha contrareloxo entre os equipos de: Cabo da Cruz, Esteirana, Rianxo, Pobra do Caramiñal, Narón e Meira.

O Club do Mar de Noia foi o encargado de organizar este evento, que consistiu en saídas das embarcacións por parellas e cunha distancia dun minuto entre cada saída, para poder desenvolver unha regata con toda a comodidade. Pero o protagonista foi o vento do sur que arreou con forza poñendo así unha traba máis para as embarcacións. Pese ás condicións, foron ó pé de 150 persoas as que se achegaron para presenciar a regata, cando a choiva lle deu unha tregua á competición.

Aquí vos quedan as distintas clasificacións das distintas categorías:

Promesa feminina

1ª. Esteirana, 5:18.15.; 2ª. Cabo B, 5:32.69; 3ª. Cabo A, 5:45.20; 4ª. Rianxo B, 5:48.70; 6ª. Rianxo A, 5:50.09; 7ª. Rianxo C, 6:10.70; 8ª. Puebla, 6:43.50; 9ª. Club do Mar de Noia, 7:01.50.

Absoluta feminina

1ª. Cabo da Cruz, 10:18.41. Juvenil femenina: 1ª. Esteirana, 10:11.66. Infantil masculino: 1º. Cabo B, 5:09.39. 2º. Cabo A, 5:16.86; 3º. Puebla A, 5:32.43; 4.º Rianxo A, 5:43.04; 5º. Esteirana, 6:23.89; 6º. Rianxo B, 6:50.76. Cadete: 1º. Rianxo A, 7:21.91; 2º. Rianxo B, 7:25.84; 3º. Puebla A, 7:35.03; 4º. Esteirana A, 7:44.11; 5º. Cabo, 8:12.05; 6º. Mera, 8:23.61; 7º. Esteirana B, 9:25.56. Juvenil: 1º. Cabo A, 9:43.36; 2º. Rianxo, 9:46.76; 3º. Cabo B, 9:56.66, 4º. Puebla, 10:09.75. Sénior: 1º. Puebla, 9:36.23; 2º. Muros B, 9:37.10; 3º. Esteirana A, 9.37.98; 4º. Muros A, 9:48.47; 5º. Esteirana B, 9:49.90; 6º. Club de Mar de Noia A, 9:50.20; 7º. Narón, 9:52.27; 8º. Rianxo A, 9:56.66; 9º. Mera, 9:58.17; 10º. Club de Mar de Noia B, 10:43.30; 11º. Rianxo B, 10:49.79.

Clasificación: La Voz de Galicia.

Mañá domingo, partires das 12:00 o Club de Remo do Cabo da Cruz organizará a xa tradicional “travesía de traíñas” que dará lugar á xuntanza dunha morea de embarcacións procedentes de distintos puntos da xeografía galega. O percorrido terá dun quilómetro e medio aproximadamente que partirá dende o muelle novo do Cabo da Cruz ata o Faro da Ostreira.

O evento consistirá en batir o mellor tempo neste percorrido que se fará saíndo tódalas traíñas a unha vez, pero cun marxe dun minuto entre cada traíña, para facer que isto sexa un bo banco de probas e non unha competición coma as que se van disputar en breve.

Haberá un total de 24 clubs coas correspondentes embarcacións. Os dos arredores (Barbanza e Muros-Noia) acudirán todos excepto os da Pobra do Caramiñal dos que “non se sabe nada”, segundo afirmou o presidente da entidade crucense Mario Vidal. Teremos remadores da talla de Rianxo, Esteirana, Muros, Meira, Amegrove, Mecos, Perillo, Tirán, Náutico de Vigo e por suposto contaremos coa maxia e a calidade dos remeiros que conforman o escadrón do Cabo da Cruz.

De seguro que os nosos homes farán unha boa xornada, pois o entrenamento desta xente é intachable. Chegar á noite de traballar, coller a mochila e irse ó Club de Remo a entrenar, a correr ata Boiro, e remar con ese frío e ese mar picado… En fin, que deben de estar feitos doutra pasta. Pero así é como se acadan os premios e as bandeiras que logo tan ben saben: o sacrificio é a base de tódolos obxetivos.

Será unha boa excusa para achegarse ó muelle a ver este evento que nos mostrará como andan as formacións de cara á competición, e tamén para ver o noso deporte rei que nos deu moitas alegrías e levou o nome do Cabo da Cruz por toda a xeografía galega e española.

Seis remeiras do Club de Remo do Cabo da Cruz integran parte da embarcación do Club Rías Baixas Jealsa Rianxeira que se mostrará coa súa artillería galega en augas vascas, na segunda edición da Bandeira Feminina da Concha. Sandra Sánchez, Esmeralda Santos, Eva Val del Río, Fátima Torrado, Lucía Filgueira e Laura Hermo xa son mulleres experimentadas no asunto, pois o ano pasado deixaron claro quen mandaba, e de seguro que este ano voltarán co prezado título.

Benigno Silva é o presidente desta entidade que leva ó País Vasco a remeiras do Cabo da Cruz, de Meira e de Chapela. Alí, no día de mañá, terán que por a proa cara a final do domingo onde se darán cita, ademáis deste Club, outros equipos galegos como son Mecos e Artabria (Perillo e Cabana), con traíñas catalanas, e por suposto as vascas, que non faltarán.

A embarcación onde remarán as crucenses, de momento parte de favorita polas súas destacadas victorias, pero como toda prudencia é pouca, desminte os feitos Lucía Filgueira, unha das remadoras afirmando que: «porque dependerá do estado do mar e tamén da forma en que se atopen outras tripulacións, por exemplo a de Astillero, da que non temos referencias. Con todo, nós estamos ben adestradas para encarar a regata e poremos todo da nosa parte para gañar».

Pois o dito, todo está servido para que os remos comecen a pulir o mar de tal xeito que neste marabilloso deporte, poidamos ter unha boa tarde, onde disfrutemos todos, e si se pode gañar, pois xa sería a fin de semana ó completo.

Finalmente, os nosos remeiros, Campións galegos, non puideron acadar máis ca un décimo oitavo posto na regata da Concha, perdendo así a posibilidade de acadar o pase á final.

A embarcación de Perillo, chegou por detrás de nós, mentras que os de Tirán fixeron un décimo primeiro posto no que marcan a mellor posición dos galegos no País Vasco.

Lembrade tamén que os próximos días 12 e 13, porase en xogo a segunda edición feminina desta bandeira Vasca. Alí agardamos unha grande afluencia de público crucense para apoiar ás nosas remeiras, que xa nos teñen demostrado o que valen en diversas ocasións.