Coma o ano pasado, este ano tamén queremos ofrecervolas fotos tomadas nos días de festa de Cabo de Cruz. Ante todo cabe dicir que foron cedidas pola comisión de festas da nosa vila, da man de Mila. Aquí tendes unha boa recopilación do que foron as festas deste ano clasificadas por temáticas como poden ser Xogos Populares, Bolos, Fútbol, etc.

Para poder velas fotos podedes ir dende aquí, ou ben pasarvos pola nosa sección de fotos onde teredes unha morea de instantáneas de diversos ámbitos e clases. Agardamos tamén se alguén ten algunha que outra foto e as quer subir a esta páxina, que contacte con nós a través da nosa sección de contacto ou de calquera outro xeito.

En fin, non vos enredamos máis para que poidades disfrutar das nosas festas en fotos. Agradecer coma sempre a labor de colaboración desinteresada da comisión de festas, pola cesión de todos estes retratos.

A pesares de que estas fotos xa estaban na nosa posesión dende fai uns días, non quixemos agardar máis e decidimos subilas. Cabe dicir tamén que foron cedidas por Mary Hermo quen colabora activamente con esta web levando así tamén a web CaboDeCruz.Org.

Agardamos ter máis fotos sobre estas festas, sobor de todo as que sacaron os membros da comisión de Festas do Carmen que nos permitiron colgalas desta web. Pero non quixeramos que isto quedase tan só aquí, senón que agradecemos todo o material que nos poidades pasar como poden ser fotos, videos, entrevistas, reportaxes, etc.

Esta web é para todos vós, para o que coidedes comentar ou plasmar na web. Non seremos nós os que poñamos pegas á hroa de publicar calquera cousa que nos pasedes (sempre dende o respeto e a educación, claro está). E quixera tamén aclarar unha cousa. Se queredes denunciar calquera cousa que pase en Cabo de Cruz ou que vexades que non está ben, podedes facelo sen problema, esta web gardará a intimidade de calquera persoa que o desexe.

Isto cadra con que hai xente que nos di que hai que poñer tal cousa na web, pero que non se atreve a comunicar con nós ou a dala cara para publicar algo. Pois ben, para toda esa xente, non vos preocupedes. Só tendes que ir á nosa sección de contacto, deixarnos o recado, ou ben mandarnos un e-mail co texto e/ou fotos que queredes publicar e sen problema farémolo.

Agardemos que todo isto faga desta web un punto de referencia, un lugar de todos e para todos, algo digno de nós.

Sen máis, un saúdo.

Xoan

Hoxe temos a honra de contar con Mila, a presidenta da Comisión de Festas de Cabo de Cruz.
Para o que non a coñeza é unha moza crucense que conserva toda a súa xuventude para que cada
ano a nosa vila teña unhas festas do mellor. E ela máis ca ninguén sabe o traballo que dá e
tamén o sacrificio que hai que facer desinteresadamente por e para todos. Dende o seo da
comisión: Mila.

Ola presidenta, qué tal as festas deste ano?
- hola a tod@s!!
Bueno podese decir que ó final, pese as intempestades do tempo, en xeral, os festexos remataron ben, e
con bastante boa aceptación entre a xente. Sabemos que tamen temos críticas, pero eu creo que incluso é
bo que as haxa, claro está, sempre e cando sexan con fundamento, xa que nos axudan a mellorar.

Fainos unha valoración do un ó dez.
- Non podería facer unha boa valoración porque eu son demasiado perfeccionista e cando algo sae mal, sexa pola nosa parte, sexa axeno a nós, non podo valorala ben. Sei que contra o tempo nada temos que facer pero para a miña opinión desmereceu o que tiña vista de ser unha moi boa festa para todos o xoves. A pesar de que ó final todo saeu ben, para min xa quedou marcada negativamente.

Se puideses trocar algo con respecto ás festas, en qué meterías a man?
- Se puidese meter as mans meteríaas nas nubes para arrastralas, jajaja. Cando estan transcurrindo as actividades sempre pensamos «e si huberamos feito así», «e si huberamos cambiado esto» e a xente tamen nos di cousas como «e pudestedes facer esto e o outro», pero eso sempre pasa. Creo que cambiaría moitas cousas e á vez non cambiaría nada.

Para este tipo de festas, con canta antelación comezades a preparación dos eventos? Pódese
dicir que xa estades pensando nas festas do ano que vén ou podedes darvos un merecido descanso antes de continuar?
- Probablemente descansemos «un pouco» (Xa que estes días estamos ca devolución de bebidas,
neveras,barras, pagos etc), para a semana xa teñamos contacto co axente das orquestas para cerrar o próximo ano e ó pouco xa empezaremos ca campaña do nadal vendendo a lotería, pero bueno levase con moita mais calma.

Pódesnos desvelar algún segredo para as festas do ano que vén?
- Non nos gusta desvelar moitos segredos porque poden estar suxeitos a cambios inesperados como é o caso do próximo ano. Como algunha xente sabe, temos dende o ano pasado reservadas dúas orquestas das grandes.Pero posiblemente haxa cambios, xa que a festa o ano que ven cadra en fin de semana e dispárase moitísimo o presuposto polo que temos que facer demasiados números, ós que creemos que son IMPOSIBLES de chegar.Por eso non queremos desvelar nada, ata que fixamente para a semana cerremos as orquestras.

Qué tal se porta a xente á hora de doar cartos para as súas festas?
- Non nos podemos queixar, hai quen axuda mais e outros menos pero o importante é colaborar.

Recibides malas contestacións cando chegades a pedir?
- En xeral non, pero Hai de todo. Os das malas contestación son os mesmos tódolos anos. Nós cando chegamos a pedir a unha porta xa sabemos o que nos espera. Esto é como o de Eurovisión, cando Urribarri adianta a puntuación que vai levar un país ou outro segundo anos anteriores. Pois a nós pasanos igual, a veces sabemos o que nos van contestar xa de anteman. Pero bueno, esto é unha mínima parte da xente, polo resto da xente sentímonos apoiados.

Nótase a crise neste ano á hora do peditorio?
- Como xa comentei antes, nós nos temos queixa, mais ou menos seguimos recadando o mesmo de tódolos anos,sabemos que esa cantidade non se vai a incrementar moito mais porque é moi difícil, pero o importante é non baixala. O único problema é que as orquestas duplican o precio e eso conleva que nós temos que traballar o triple para cubrir o presuposto.

Dados os acontecementos do partido de solteiros contra casados deste ano, ides a tomar algún tipo de medida para o vindeiro ano? Por certo, o de solteiras, todo un éxito.
- Non sei, so estivemos comentando entre nos pero nada mais. Verémolo o ano que ven. De todos xeitos sabemos que a xente non fixo comentarios e as protestas con mala intención senon que polo afán de ganar olvídanse da coña que debería conlevar este tipo de partidos. O das mulleres foi todo un éxito porque realmente as mulleres portáronse todas coma campeonas, a pesar das carencias de moitas delas para xogar ó futbol, foron a divertirse, esqueceronse do sentido do ridículo, e o que conseguiron, foi pasalo ben, transmitindo tamen esa diversión ó público asistente.

Envíalle unha mensaxe á poboación indicándolle qué significado debe ter un partido de solteiros contra casados:

- Para nos un partido deste tipo debe ter rivalidade entre ambos equipos, pero sana, e sobre todo ten que haber coña e DIVERSIÓN.

Dadas as circunstancias do mal tempo no primeiro día das festas, houbo que tomar unha decisión: facer un día máis de festas que foi o venres 23, o que supuxo organizar unha noite de verbena con tan só unha semana de marxe. Isto tradúcese en colocar carteis, anunciala, contratar orquestas, etc. Isto danos a impresión de que hai moita unión no seo da comisión e que non hai nada que vos pare. Cóntanos cómo se ven as cousas dende dentro?
-O día que choveu estabamos todos bastante decaídos e disgustados. Hai que ter en conta que estivemos traballando parte do ano, para que a choiva estropee todo en unhas horas. E logo ter que pensar nos gastos que incrementan o ter que facer festa o venres, pero enseguida nos puxemos todos en marcha. Somos un grupo cos seus mais e menos, coas discusións normais dunha asociación, sobre todo nos días previos á festa por mor dos nervios que nos acarrea a festa, pero ó final compartimos entre todos esa sensación de que todo sae ben e de satisfacción personal que fai que cada ano tiremos do carro. Somos un bo grupo.

Fainos un balance económico deste ano de festas, houbo perdas por mor do tempo, pola xente que non se entregou como debería? Ou pola contra seguen as contas con luz verde para o ano 2011?
- Non tivemos perdas pero as contas quedaron mais axustadas do que nos quixeramos. Contabamos coa cantina do día 15 de Xullo, xa que considerabamos un día forte en canto a xuventude e consumo de bebidas e pola contra saleunos todo ó reves, non so non tivemos moitos beneficios ese día, senon que nos aumentaros os gastos ó ter que facer a festa o 23, pola contratación do duo, os gastos de transporte e montaxe da orquestra, alquiler de xenerador, seguro da festa, etc.Eso fixo que os cálculos que tiñamos para apaliar as diferencias desorbitadas de precio das orquestras para o ano que ven,se nos viñesen todos abaixo.

Sabemos que sodes xente nova, pero aínda así todos tedes os vosos traballos (afortunados que sodes), todos tedes unha casa que limpar, unha familia que atender, algúns rapaces que coidar… Parece que é unha tarefa de titáns. Ata cando agardas estar ahí ó pe do canón? Xa che digo que por min ata a xubilación e moito máis.
- Xa me plantexei mais dunha vez o de abandonar o buque, de feito no 2006 fixemos un pequeno parentese pero acabamos volvendo. Non sei ata cando vou ou imos seguir, pero o meu retiro non creo que esté moi lonxano, uns aniños mais e darei paso a xente nova con novas ideas. As veces poñome a pensar si a xente non estará cansada xa de vernos ós mesmos e penso «temos que darlle a oportunidade a outra xente» porque si cadra poden facelo mellor. A min gustaríame
que aparecese alguén e dixera que quere coller as festas,pero por suposto que traballase tanto coma nos para seguir tendo boas festas. Doeríame que despois de todo a traballo que fixemos ó longo de todos estes anos, e conseguir que as festas do Cabo se coñezan en moitos lugares de galicia, se viñera todo abaixo. Eso creo que é o que fai que sigamos tirando ano tras ano.

Qué significa para ti o día do Carmen? Pensas que a Virxe é a que vos dá folgos para organizala festa?
- Para min é un día moi especial, non sabería como describilo. Xa dende moi pequena me encantaba ir na procesión e todo o que tivera que ver con este día, supoño que nun pobo de mariñeiros coma este, no fondo tes un pouco de fe na virxe.
De todos xeitos eu cando empecei a organizala non sabía moi ben a que me enfrontaba, e foi mais que por fe, porque quería que non se perdese a tradición da nosa festa ese día. Para min foi todo unha aventura.
Logo xa metida no allo, oín un comentario eu mesma nun bar cando un home lle dixo a outro: «estes son catro gaiteiros que andan a pintar o indio», collin forzas e rabia e dixen «esto vai salir, coste o que me coste». E o primeiro ano costou moito pero non podedes imaxinar a satisfacción que teño cada vez que acaba a festa e moita xente nos felicita por todo. Volvo a recordar aquelas palabras e fai que sinta orgullo, de todos os que formamos parte da comisión durante todos estes anos, xa que demostramos que os gaiteiros tamen poden facer boa festa.

Xa case por último, quería felicitarche pola túa canción xa mítica das nosas festas: A Pomba Dourada. Sabemos que é un clásico entre nós, pero din as malas linguas que vas a ampliar repertorio en vindeiras ocasións, é certo iso?
- O meu repertorio é mais amplio, pero non sei porque a xente sempre acaba pedindo «a pomba dourada». E non vaides a pensar, ainda que eu pareza moi sinvergonza, teño moitísima vergoña e enriba do palco cos nervios bloqueome e non me acorda ningunha canción.

Este ano, no último día do venres 23, veu un dúo que nos fixo bailar coa súa música ata caer de cu. Para ser tan só dúas persoas armárona ben armada como a ocasión o merece, pero… Non cres que ti e mais Samuel teríades tamén moito que dicir en canto a dúos? Xa que o video que hai nesta web deixa a Pimpinela á altura do betún. Animádesvos a darnos aínda que sexa media hora de música para as próximas festas? Queda firmado aquí iso?
- jajaja, teño que recoñecer que o día de Pimpinela con Samuel paseino moi ben, é todo un artistazo. Pero ten que actuar quen sabe deso.Para facer unha broma así de 5 minutos está ben, pero para mais non. Eu penso moitas veces que a xente xa ten que estar aburrida de verme enriba do palco todolos anos,pode resultar bastante cansino.
A min dende logo parecemo. E moitas veces ainda que non o creades costame subir, porque non me gusta facerme pesada, pero non soporto tampouco facerme de rogar,non me gusta que estén media hora tarareando o meu nome.
Así que tendes que ir cambiando de actuación estelar algún ano para que non se faga moi repetitivo.
Pero bueno, de todos xeitos recoñezo que con Samuel e ca orquestra Jerusalen divertinme moitísimo no palco.

Hai algo que me esqueza de preguntarche e se cadra que nos queiras contar?
Seguramente nos quede algo no tinteiro pero creo que está un pouco resumida a nosa labor dentro desta entrevista.

Por último Mila, quero agradecerche no nome de toda a dirección de CaboDeCruz.Net, non o teu, senón o labor de toda a comisión de festas de Cabo de Cruz. E xa sabedes que para o que faga falla estamos aquí á vosa libre disposición como medio de comunicación que somos. Tamén animamos a que a xente se una e se involucre nesta actividade que nos beneficia a todos e tamén que se apioen as nosas festas, xa que o día que vós faltedes, vai haber un antes e un despois nas Festas do Carmen.

Moitas gracias.

- Moitas gracias a vos. So nos queda dende a asociación mandar o noso agradecemento de todo corazón a tódalas persoas que nos dan mostras de cariño, e fagamos o que fagamos sempre nos apoian e nos fan sentir que todo sae ben, a todos os que colaboran con nos dun xeito ou doutro e a todos os que fan que cada ano a nosa festa cobre mais importancia.
¡¡GRACIAS A TODOS!!

É obvio que non vai haber xa máis orquestas posto que esta actuación composta por Samuel e mais Mila, deixarían en evidencia a calquera solista de calquera orquesta. Como vedes neste video, deléitannos cun dos temas do verán como é «El polvorete», seguido dun máis ca clásico de Pimpinela e para rematar, Mila a unha voz interpreta o single de «Pomba dourada».

Non podemos contarvos máis, xa que sodes vós os que tendes que ver este video e mandarnos outros moitos videos e fotos que teñades para poder colgar aquí da web. Agardamos o voso material para que estas festas non fiquen aló no esquecemento, senón que perduren no tempo aló a onde vaiamos sempre.

Queremos tamén comunicarlle á comisión si nos podería facilitar as fotos das Festas do Carmen deste ano 2010 para poder poñelas aquí para todos e todas vós. Para elo podedes comunicarvos a través da nosa sección de contacto ou como vós queirades. Moitas gracias de antemán e por todo o que facedes por nós. Gracias comisión!

Agora que xa case todo rematou, si, case todo porque aínda queda algo, podemos concluír as Festas do Carmen 2010. Todo comezou fai uns días, antes do 16 cos partidos correspondentes de solteiros contra casados e solteiras contra casadas. Seguindo o tema polos xa tradicionais xogos populares, bailes, música, etc.

E por fin chegou o día 15, primeiro día das festas deste ano. Foi un día no que o tempo non acompañou nada, pois a choiva fixo que a xente non se animase moito a baixar ó peirao para poder bailar un pouco e escoitalas orquestas que viñan ese día. Pero xusto ese día, a orquesta Costa Oeste non puido tocar por mor do mal tempo que asolou este día, porén o vindeiro día 23 de xullo estarán en Cabo de Cruz para movernos a todos e poñer música ata caer de cu.

Pero o día 16, a Virxe do Carmen tiña xa todo previsto para que o tempo acompañase na súa saída polo mar nos barcos da vila e tamén todo o día inclusive a noite. Púidose ver un cheo en Cabo de Cruz de cara ás 10 da noite xa, e tamén logo cos fogos de artificio que iluminaron o porto de cara á media noite.

Uns fogos que cada ano son máis espectaculares, e segundo as opinións da dirección desta web, os mellores da redonda. Xa que a idea de botalos dende distintos puntos do peirao, a pesares tamén dos que se botaron dende o mar, fixo desta festa un espectáculo digno de ver onde o lucerío se marcaba na faciana dos alí presentes. Por iso, neste ano damos un 10 ós fogos e agardamos sigan así sempre.

Pero xa de cara entrada a madrugada, os corpos ían cansos e algúns mesmo ían para a casa. Pero non todo era cansancio como ides ver no seguinte artigo que imos mostrarvos. De feito, segundo fontes próximas á comisión de festas, prevese que para o ano non se contraten orquestas para a festa por un motivo que ides poder ver mañán nesta web a iso das 12 do mediodía.

Dende esta web, tamén queremos facer público o apoio incondicional dunha veciña de Cabo de Cruz, dunha persoa que dende que nacemos xa fai máis dun ano, sempre estivo ó noso lado. Dándonos noticias de todo tipo, informándonos de todo e facendo deste lugar algo vivo. Un exemplo de lectora deste recuncho adicado a vós, ós crucenses. Trátase de Mary Hermo, sen a cal isto estaría un pouco máis decaído, sen a cal isto non sería o mesmo. Por iso mesmo, queremos dicirche Mary, moitas gracias pola túa axuda e agardamos que sexa de por sempre. Gracias!

Hoxe a iso das 09:00 am xa se podían oír as primeiras bombas na honra das nosas festas do Carmen. Xa está todo preparado, xa non hai volta atrás para dar comezo á mellor festa da redonda e temos que acudir todos hoxe a un grande espectáculo no peirao de Cabo de Cruz.

Como xa se dixo na presentación do programa das festas nesta web, vai a haber de todo: bailes, música, xogos, orquestas, misas, procesión, entretementos, etc. Todo isto para que os crucenses o pasemos o mellor posible no día da nosa patrona: a Virxe do Carmen.

Porén, dende CaboDeCruz.Net queremos animarvos a todos e todas a participar no máis que poidades e a disfrutar na nosa vila. Sabemos que moitos e moitas de vós hoxe mesmo tendes que traballar, e mañá seguro que tamén (os que traballen fóra), pero para un evento de tal calado, sempre hai un esforzo a maiores, un recuncho onde podemos dicir: «Hoxe vou á festa da miña vila«.

Asi que xa sabedes, vémonos todos na festa, nos xogos e sobre todo nas orquestas que nos traen este ano, que son do máis selecto do panorama musical galego. De seguro que imos disfrutar todos destes días en familia, cos amigos e amigas e en boa compaña.

Queremos tamén agradecerlle sempre ós membros da comisión o seu esforzo durante todo o ano para que isto sexa posibel e para que todo saia tan ben coma outros anos. Sabemos que para a semana xa comezan os preparativos para as festas do ano que vén, por iso dende esta web queremos darvos ánimo e forzas para todo o traballo feito e por facer.

Todo comezou a iso das 7 da tarde no campo de fútbol de Valiño cando chegaron os solteiros para enfrontarse ós casados nun partido que deu moito de si. Algúns dos compoñentes dos equipos eran, por parte dos solteiros:

Ander, Elías, Leisy, Marcos, Taja, Mara-J, Adri, Yosi, Super, Uxio, Prol, Peche, Porrón, Candiño, Cimpi, Samu e algún máis.

Colexiados: Benjamín, Rauliño e Sicuta (ou algo así) de linieres.

Por parte dos casasdos:

Mingos, Manolo, Lomba, Japi, Román, o Pajero, Juan, Faxán, etc.

Como podedes ver, non nos acordamos de todos os que xogaron, asi que si queredes comentar e anotar cousas que se nos poden escapar, non dubidedes en entrar e comentar.

Todo comezou coma un partido aparentemente normal, cando no descanso iamos xa cun resultado de 1 – 1, nada en comparación co ano pasado. A tarde estaba moi soleada, polo que refrescarse e facer algún ca outro cambio nunca viña de máis. Pero na segunda parte caldeouse o ambiente e as tornas cambiaron.

Tras unha arbitraxe máis ca dubidosa do árbitro en funcións comezaron as protestas e os piques. Dunha simple protesta pasouse a palabras maiores e dahí case ás mans. Co cal o partido foi suspendido cando faltaban tres minutos para a súa conclusión. Isto débese a que a xente tómase este partido coma se lle fose a vida nel e non coma un partido entre veciños que se fai únicamente para pasalo ben e rirse un pouco.

Cabe dicir que despois de moitos anos, os solteiros fixémonos coa victoria nun campo tremendamente difícil onde o ano pasado xa perderamos por 6 ou 8 a dous (unha pallera por parte dos casados). Este ano, os campións foron os solteiros gracias ó xogo de Adrián que fixo dous tantos a favor dos solteiros, un deles de falta directa á escadra.

Despois os goles dos casados marcáronos Román e Japi de penalti máis ca dubidoso. En fin, un encontro que polo xogo estivo bastante ben, pero polo resto deixou moito que desexar sobre as actitudes dalgúns xogadores e árbitro.

Agardamos que para o ano que ben isto non se convirta en algo persoal nin moito menos, xa que a deportividade e o ser ben levados non custa nada, e para máis en época de festas como son as Festas do Carmen de Cabo de Cruz.

Sabemos que todos estasdes ansiosos por ver o que van a ser as vindeiras Festas do Carmen deste ano, co cal, a través da colaboración da incansable Mary Hermo, imos a poñervos aquí o programa deste ano.

Para iso imos comezar coas actividades que terán lugar en diversos días:

ACTIVIDADES

• 18:00 H PARTIDO DE FUTBOL 7 DE SOLTEIRAS CONTRA CASADAS (VALEN SEPARADAS, DIVORCIADAS, ARRECHEGADAS, ETC. ).
• 19:00 H PARTIDO DE FUTBOL DE SOLTEIROS CONTRA CASADOS (VALEN SEPARADAS, DIVORCIADAS, ARRECHEGADAS, ETC).

• NAS INMEDIACIONS DO PORTO ÁS 12:30 TEREMOS A ACTUACIÓN DO GRUPO DE PAIASOS “LISTIN E TONTIN”.

• ÁS 17:30 PARTIDO DE BOLOS NO CAMPO DE TRIÑANS.

• POLA TARDIÑA TEREMOS OS TRADICIONAIS XOGOS POPULARES (CUCUÑAS, TIRO DE CORDA, CARREIRA DE SACOS ETC.ÁS 20:00
• E PARA DAR ENTRADA Á VERBENA TEREMOS A ACTUACIÓN DO GRUPO DE BAILE “XILBARBEIRA”.

• SOBRE AS 21:45H, PARA DAR ENTRADA Á VERBENA DO ULTIMO DÍA DE FESTA TEREMOS UNHA ACTUACIÓN DE GRUPOS DE BAILES LATINOS, COS GRUPOS “ASSUCAR” e “CHILI DANCE”.

PROGRAMA DIA 15 DE XULLO

Alborada a cargo do grupo de gaitas «Gandaina de Palmeira» e da charanga «Os armadanzas».

A partires das 17:30 teremos xogos populares nas inmediacións do parque de Subuqueiro.

Ás 20:00 para dar entrada á verbena teremos unha mostra de bailes tradicionais co grupo de baile «Xilbarbeira».

A continuación a gran verbena a cargo das orquestas:

Costa Oeste

PhiladelPhia

PROGRAMA DIA 16 DE XULLO

Alborada a cargo dos grupos de gaitas «Gandaina de Palmeira» e «Noitebra».

Misa cantada na honra á Virxe do Carme a cargo da Confraría de Pescadores.

A continuación procesión marítima e ofrenda floral en memoria dos mariñeiros falecidos.

Ás 21:45 para dar entrada á festa, teremos unha mostra de bailes latinos.

De seguido a gran verbena a cargo das orquestas:

Cinema

Nueva Generación

Pois aquí tendes o pedazo programa destas vindeiras festas do verán da vila de Cabo de Cruz. Dende CaboDeCruz.Net agardamos que sexan do voso agrado e que todos saibamos valorar o traballo incuestionable e incansable desta xente que deixa os seus folgos cada día para que isto poida ser posible. Grazas por todo, comisión!

A comisión de festas do Cabo da Cruz xa comeza a súa nova andaina para as Festas do Carmen 2010. O que sabemos polo obstante é que se achegarán ata o peirao as orquestas Costa Oeste e Philadelphia para o día 15 de xullo e pecharán as festas a Cinema xunto coa Nueva Generación.

Os pasarrúas estarán amenizados polo Grupo de Gaitas Gandaina de Palmeira que xa son frecuentes nas nosas festas polas súas actuacións.

Por outra banda, os membros da comisión de festas agardan que os veciños se volquen totalmente coas mellores festas que temos para que sigan medrando e sexan un éxito, ano tras ano.

Porén tamén informaron de que a partires do día 3 de maio vanse a botar ás rúas para comezar a pedir para estas festas, así que dende CaboDeCruz.Net agardamos a máxima colaboración por parte de todos, para que esta xente teña tamén o seu merecido recoñecemento.

Trátase dunhas fotos das festas do Carmen de diferentes anos que as podedes ver aquí, e pola xente que sae e as cariñas que tiñan fai anos, pois dalle un certo valor histórico a estas imaxes. Sabedes tamén que son as festas da nosa patroa, a Virxe do Carme, festas das que todos gozamos ó máximo, pero que son sempre na honra da patroa dos mariñeiros.

Estamos tamén á espera dunhas fotos do noso amigo Dani Gestoso, que a través de Mary Hermo nos van a ceder aquí, pero temos que solventar uns detalles das fotos para que se poñan aquí correctamente. Trataremos de ofrecérvolas na maior brevedade posbile. E non esquezades que aquí temos moitos proxectos que día a día van avanzando pouco a pouco. En fin, xa vos iremos sorprendendo coas novidades que lles queremos ofrecer ás persoas do Cabo da Cruz.