Cabo da Cruz na Bandeira Teresa Herrera

Tralo inesperado final da anterior regata que nos privou do pase á liga estatal, o Cabo da Cruz xógase esta semana en augas coruñesas a Bandeira Teresa Herrera co gallo de manter o temón da Liga Galega.

Ás 18:30 desta tarde dará comezo a primeira manga desta regata nunha contrarreloxo coas embarcacións distanciadas un minuto unhas doutras á saída. Deste xeito, a embarcación rianxeira será a primeira en saír, mentras que os crucenses botarán a cancela ás saídas tendo as referencias tomadas dos seus rivais.

A segunda serie do torneo, prevista para o día de mañán ás 11:30, terá lugar sobre un terreo con tradición como son tres ciabogas e catro longos, e coas quendas configuradas segundo os postos da clasificación. O campón desta regata, será o que logre parar o reloxo máis de contado entre hoxe e mañán.

Cabo da Cruz supera en seis puntos ó Náutico de Vigo cun total de 114, namentres que os vigueses acadan a cifra de 108. Vendo que ambalas dúas embarcacións suman tres victorias, a tripulación dirixida por Gustavo Vázquez Torrado, leva o campionato con máis regularidade cós vigueses, que suman dúas pratas, pero ningún bronce. Tamén así, os de Vigo teñen como peores postos a quinta e sexta praza, cando os de Cabo tan só teñen dúas cuartas prazas como peor resultado.

Na Eusko Tren feminina, a Galicia Rianxeira do Rías Baixas, presidida por  Benigno Silva, rema este fin de semana en Zumaya (hoxe) e en Guecho (mañá). A traíña, con seis remadoras de Cabo, é líder por diante de Guipúzcoa (15-12).

Fonte: La Voz de Galicia