Actividades
Nesta sección poderedes atopar as actividades de lecer que vos ofrecemos en Cabo de Cruz. Son do máis variado, dende acitividades ó aire libre, deportes, pesca, etc. Para isto imos describir a continuación unha mostra do que podedes facer na nosa vila:
Se por algo se coñece a nosa vila no estranxeiro é polo deporte do remo. Temos a ledicia de contar dende o ano 1979 cun club de remo onde calquera se pode apuntar e así disfrutar deste magnífico deporte. Dicir tamén que o clube foi un dos fundadores da Liga ACT no ano 2003 e que actualmente está competindo na Liga Galega de Traíñas.
Gracias a este deporte, a xente do Cabo da Cruz fixo algo a maiores que é viaxar polos distintos puntos do norte de España. Aínda que agora non son frecuentes estes desprazamentos, as visitas a Cantabria, Santander, País Vasco, etc. eran un dos puntos clave na competición pola prezada bandeira.
Deporte saudable onde calquera se pode poñer a tono e manter unha forma moi boa física, xa que este deporte no Cabo da Cruz está na élite e iso impulsa a ter ós mellores remeiros do entorno, aínda que sempre houbo e hai cabida para todos.
- Rutas de senderismo en Cabo de Cruz:
A mellor forma de estar en contacto coa natureza na nosa vila é facer unha ruta de sendeirismo. Aínda que este tipo de actividade non está demasiado explotada, temos uns fermosos montes onde o respiro de aire puro fai do Cabo da Cruz un lugar digno de visitar.
Para orientarvos das nosas zonas de monte imos a indicarvos os principais lugares dos que podedes disfrutar:
Monte do Chazo, Monte da Perguisa, Monte do Castro, Monte da Jurita e Charca de Carragueiros.
E para unha maior orientación imos tamén a mostravos unha vista aérea das zonas para que vexades que Cabo de Cruz e natureza sen funden nun paraíso natural.
- Zonas de Marcha:
Aínda que en Cabo de Cruz non temos zonas de marcha, podedes estar tranquilos porque tan só a catro quilómetros, concretamente en Boiro, tendes todo o que fai falla para pasar unha noite de movida. Non fai falla desprazarse moito para chegar á zona de confluencia da movida da bisbarra do Barbanza a onde acude xente de tódolos sitios: Rianxo, Pobra, Ribeira, Porto do Son, Noia, etc.
Así que xa sabedes, aquí tendes festa ata altas horas para os que sexades máis festeiros e logo poderedes descansar perfectamente na nosa vila.
- Pesca en Cabo de Cruz:
Outra das actividades lúdicas desta fermosa vila é a pesca. Sobretodo nos meses de verán é frecuente ver a xente no porto pescando ás luras, ós sargos e a unha chea de peixes que se achegan ata a nosa costa. Se es un privilexiado e tes unha embarcación podes ir a pescar fóra do muelle e mesmo dar unha volta pola Ría da Arousa (a ría por excelencia das Rías Baixas).
No Cabo da Cruz tamén contamos con xente moi experimentada na pesca que a parte de ser unha maneira de pasalo tempo tamén é un medio de vida para os crucenses. Así que xa sabedes, se nos visitades non esquezádela cana de pescar e os utensilios de pesca.
O fútbol tamén é unha alternativa ó deporte do remo na vila. Contamos cun clube que tamén xa ten o seu tempo e historia onde se colleitaron algún que outro triunfo. En época de liga podedes asistir ós partidos que se disputan os domingos pola tarde no campo de Valiño e onde poderedes ver un espectáculo de fútbol asegurado.
Para os máis decididos tamén poderedes formar parte do noso club e así contribuir xogando, na directiva ou mesmo botando unha man. En fin, unha alternativa máis que se che ofrece na nosa vila.