A movida de Boiro deixa dous feridos

Unha vez máis, e desgraciadamente, a movida de Boiro volta deixarnos un domingo amargo por culpa das pelexas e dos follóns que saen á luz na noite boirense. O resultado foron dúas persoas feridas no hospital, e unha terceira que tamén tivo que ser atendida polos servizos sanitarios por tentar de mediar nunha das trifulcas.

O primeiro altercado ó parecer aconteceu ás tres da madrugada nun pub da rúa Principal cando a un mozo lle partiron a mandíbula e uns cantos dentes. Posteriormente foi transladado ó hospital da Barbanza, e dahí reconducírono ó Clínico de Santiago para unha reconstrucción maxilofacial. Non hai pistas sobre o posible agresor, aínda que as forzas de seguridade xa traballan en pistas sobre o caso.

A segunda pelexa tivo lugar ás sete da mañán nun coñecido after hour da localidade cando un cidadán brasileiro e mais outro de Noia se enrrolaron nunha pelexa que rematou co brasileiro acoitelado no pescozo. Éste tivo que ser transladado ó hospital para ser intervido cirúrxicamente, onde segue en estado de observación.

O dono do after tamén levou uns cantos cortes nunha man ó tratar de mediar na pelexa e tratar de arrebatarllela arma ó noiés que está á espera de pasar en breve a disposición xudicial, segundo relataron as forzas da orde.

Lamentablemente ténsenos que coñecer por estas cousas que lle botan un manto negro á movida de Boiro provocando así que a xente deixe de acudir á localidade. Isto claramente reflicte en Boiro, no Cabo da Cruz, Escarabote, etc. Pois os propietarios dos locais, a parte de Boiro son dos arredores, entre outros. Agardemos que as autoridades pertinentes tomen cartas no asunto e eviten que isto volte acontecer.